iSmart Shankar: హీరో రామ్ ఇదేం పని..? జరిమానా విధించిన హైదరాబాద్ పోలీసులు
హీరో రామ్ బహిరంగ ప్రదేశంలో దమ్ము కొట్టి బుక్కయ్యారు. హైదరాబాద్ పోలీసులు ఆయనకు రూ.200 జరిమానా విధించారు. ఇస్మార్ట్ శంకర్ షూటింగ్ సమయంలో చార్మినార్ వద్ద ఈ ఘటన చోటు చేసుకుంది.
Samayam Telugu 24 Jun 2019, 9:54 pm
ప్రధానాంశాలు:
- చార్మినార్ సమీపంలో హీరో రామ్ సిగరెట్ తాగారు.
- ఇస్మార్ట్ శంకర్ షూటింగ్ బ్రేక్లో ఆయన దమ్ముకొట్టారు.
- దీంతో పోలీసులు ఆయనకు జరిమానా విధించారు.
బహిరంగ ప్రదేశాల్లో సిగరెట్ తాగడం నేరం. ఈ నిబంధనను అతిక్రమించిన హీరో రామ్ రూ.200 ఫైన్ కట్టారు. పూరీ జగన్నాథ్ డైరెక్షన్లో, రామ్ హీరోగా ఇస్మార్ట్ శంకర్ తెరకెక్కుతోన్న సంగతి తెలిసిందే. ఈ మూవీ షూటింగ్ ప్రస్తుతం చార్మినార్ పరిసర ప్రాంతాల్లో జరుగుతోంది. గుల్జార్ హౌజ్ ప్రాంతంలో షూటింగ్ జరుగుతుండగా.. షూటింగ్ బ్రేక్లో రామ్ దమ్ముకొట్టారు. చార్మినార్ సమీపంలో నిషేధిత ప్రదేశంలో హీరో సిగరెట్ కాల్చుతున్న ఫొటో సోషల్ మీడియాలో వైరల్ అయ్యింది. దీంతో రంగంలోకి దిగిన చార్మినార్ పోలీసులు హీరోకు రూ.200 జరిమానా విధించారు. హీరోకు జరిమానా విధించిన పోలీసులు చట్టానికి చిన్నా పెద్దా తేడా లేదని నిరూపించారు. హైదరాబాద్ పోలీసులు తీసుకున్న నిర్ణయం పట్ల పలువురు హర్షం వ్యక్తం చేస్తున్నారు.
ఇస్మార్ట్ శంకర్ సినిమాలో హీరో రామ్ పాత బస్తీ కుర్రాడి పాత్రలో కనిపిస్తున్నారు. స్మార్ట్గా కనిపించే ఆయన.. ఈ మూవీలో మాస్ లుక్లో దర్శనం ఇస్తున్నారు. చిత్ర యూనిట్ ఇటీవలే టీజర్, మూడు పాటలు రిలీజ్ చేసింది. ఈ సినిమా జులై 18న విడుదల కానుంది.
ఇస్మార్ట్ శంకర్ సినిమాలో హీరో రామ్ పాత బస్తీ కుర్రాడి పాత్రలో కనిపిస్తున్నారు. స్మార్ట్గా కనిపించే ఆయన.. ఈ మూవీలో మాస్ లుక్లో దర్శనం ఇస్తున్నారు. చిత్ర యూనిట్ ఇటీవలే టీజర్, మూడు పాటలు రిలీజ్ చేసింది. ఈ సినిమా జులై 18న విడుదల కానుంది.