నాగ్ బావ కన్నుమూత.. అక్కినేని ఇంట విషాదం

అక్కినేని నాగార్జున సోదరి నాగ సుశీల భర్త , హీరో సుశాంత్ తండ్రి అనుమోలు సత్యభూషణ రావు(68) అనారోగ్యంతో కన్నుమూశారు. రెండేళ్లుగా అనారోగ్యంతో బాధపడుతున్న ఈయన జూబ్లీహిల్స్‌లోని నివాసంలో బుధవారం రాత్రి 11.40 గంటలకు తుదిశ్వాస విడిచారు. ఆయన మరణవార్త అక్కినేని వారింట విషాదాన్ని నింపింది.

ఈ విషయం తెలుసుకొన్న సినీ ప్రముఖులు సుశాంత్ తండ్రి మృతికి సంతాపం ప్రకటించారు. అక్కినేని నాగేశ్వరరావు.. అన్నపూర్ణ దంపతుల రెండో కుమార్తె అయిన సుశీలను సత్యభూషణరావుతో వివాహం జరిపించారు. ఈ దంపతులకు ఇద్దరు కుమార్తెలు, ఒక కుమారుడు. కరెంట్ మూవీతో హీరోగా వెండితెరకు సుశాంత్ హీరోగా పరిచయమయ్యారు.