Tollywood Roundup March 13; Latest Telugu Movie News And Updates Today
టుడే టాలీవుడ్ రౌండప్: పూజాకు ప్రభాస్ తెచ్చిన కష్టాలు.. ఫ్లాప్ డైరెక్టర్తో రవితేజ.. ఇంకా ఎన్నో
సినిమాలకు సంబంధించి ప్రతిరోజూ బోలెడన్ని అప్డేట్స్ వస్తుంటాయి. కొత్త సినిమాల విశేషాలు, విడుదల తేదీలు, మీడియా సమావేశాలు, సెలబ్రిటీల వ్యక్తిగత విషయాలు, రూమర్లు, గాసిప్లు ఇలా లెక్కలేనన్ని వార్తలు. వాటిలో కొన్ని ఆసక్తికరంగా ఉంటే.. మరికొన్ని విసుగు తెప్పిస్తాయి. ఇలాంటి పరిస్థితిలో ఒక్కోసారి రీడర్స్ ఆసక్తికర వార్తలను మిస్ అవుతూ ఉంటారు. అందుకే, అలాంటి ఇబ్బంది లేకుండా ఈరోజు ఆసక్తికరమైన వార్తలన్నింటినీ ఒకే చోట అందించే ప్రయత్నం చేస్తున్నాం. కేవలం మార్చి 13 నాటి అప్డేట్స్ అందిస్తున్నాం. నందమూరి బాలకృష్ణ, బోయపాటి శ్రీను సినిమా అప్ డేట్ ఏంటి?, ముఖానికి మాస్క్ వేసుకుని ఎయిర్పోర్టులో కూర్చున్న పూజా హెగ్డే, బిగ్ బాస్ హోస్ట్గా మహేష్ బాబు చేస్తున్నారా?, ‘కె.జి.ఎఫ్ చాప్టర్ 2’ ఎప్పుడు విడుదలవుతోంది?, రవితేజ నెక్ట్స్ సినిమా ఎవరితో చేస్తున్నారు?, మిస్టర్ పర్ఫెక్ట్ ఆమిర్ ఖాన్ ఎత్తుకున్న ఆ క్యూట్ బేబీ ఎవరు? వంటి ఆసక్తికర వార్తలు ఇక్కడ అందుబాటులో ఉంచాం.
Samayam Telugu13 Mar 2020, 10:51 pm
సినిమాలకు సంబంధించి ప్రతిరోజూ బోలెడన్ని అప్డేట్స్ వస్తుంటాయి. కొత్త సినిమాల విశేషాలు, విడుదల తేదీలు, మీడియా సమావేశాలు, సెలబ్రిటీల వ్యక్తిగత విషయాలు, రూమర్లు, గాసిప్లు ఇలా లెక్కలేనన్ని వార్తలు. వాటిలో కొన్ని ఆసక్తికరంగా ఉంటే.. మరికొన్ని విసుగు తెప్పిస్తాయి. ఇలాంటి పరిస్థితిలో ఒక్కోసారి రీడర్స్ ఆసక్తికర వార్తలను మిస్ అవుతూ ఉంటారు. అందుకే, అలాంటి ఇబ్బంది లేకుండా ఈరోజు ఆసక్తికరమైన వార్తలన్నింటినీ ఒకే చోట అందించే ప్రయత్నం చేస్తున్నాం. కేవలం మార్చి 13 నాటి అప్డేట్స్ అందిస్తున్నాం. నందమూరి బాలకృష్ణ, బోయపాటి శ్రీను సినిమా అప్ డేట్ ఏంటి?, ముఖానికి మాస్క్ వేసుకుని ఎయిర్పోర్టులో కూర్చున్న పూజా హెగ్డే, బిగ్ బాస్ హోస్ట్గా మహేష్ బాబు చేస్తున్నారా?, ‘కె.జి.ఎఫ్ చాప్టర్ 2’ ఎప్పుడు విడుదలవుతోంది?, రవితేజ నెక్ట్స్ సినిమా ఎవరితో చేస్తున్నారు?, మిస్టర్ పర్ఫెక్ట్ ఆమిర్ ఖాన్ ఎత్తుకున్న ఆ క్యూట్ బేబీ ఎవరు? వంటి ఆసక్తికర వార్తలు ఇక్కడ అందుబాటులో ఉంచాం.
అక్టోబర్లో వస్తోన్న ‘కె.జి.ఎఫ్ చాప్టర్ 2’
కన్నడ రాక్ స్టార్ యశ్ హీరోగా నటించిన సూపర్ హిట్ చిత్రం ‘కె.జి.ఎఫ్ చాప్టర్ 1’కు సీక్వెల్ వస్తోన్న సంగతి తెలిసిందే. ‘కె.జి.ఎఫ్ చాప్టర్ 2’ పేరిట తెరకెక్కుతోన్న ఈ చిత్రాన్ని దసరా కానుకగా అక్టోబర్ 23న విడుదల చేస్తున్నట్టు చిత్ర యూనిట్ ప్రకటించింది. ఈ మేరకు చిత్ర యూనిట్ ఒక పోస్టర్ను విడుదల చేసింది. ఈ పోస్టర్లో గన్ పట్టుకుని నడిచొస్తున్న రాకీ భాయ్ షాడో ఇమేజ్ ఆసక్తి రేపుతోంది. కాగా, ఈ సినిమాకు ప్రశాంత్ నీల్ దర్శకుడు. కైకాల సత్యనారాయణ సమర్పణలో హోంబలే ఫిలిమ్స్ బ్యానర్పై విజయ్ కిరుగందూర్ నిర్మిస్తున్నారు. తెలుగులో తెలుగులో వారాహి చలనచిత్రం బ్యానర్పై సాయి కొర్రపాటి ఈ చిత్రాన్ని విడుదల చేస్తున్నారు. శ్రీనిధి శెట్టి, రవీనా టాండన్, అనంత్ నాగ్ ముఖ్య పాత్రలు పోషించిన ఈ సినిమాకు రవి బస్రూర్ సంగీతం సమకూరుస్తున్నారు.
పూజాకు కరోనా కష్టాలు
రెబల్ స్టార్ ప్రభాస్ 20వ సినిమా షూటింగ్ ప్రస్తుతం జార్జియాలో జరుగుతోంది. ఈ సినిమాలో హీరోయిన్గా నటిస్తోన్న పూజా హెగ్డే తాజాగా ఇండియా నుంచి జార్జియాకు బయలుదేరి వెళ్లారు. అయితే, ఆమె టర్కీలోని ఇస్తాంబుల్ మీదుగా జార్జియా వెళ్లారు. ఇస్తాంబుల్ న్యూ ఎయిర్పోర్ట్లో తీసుకున్న ఫొటోను పూజా హెగ్డే ఇన్స్టాగ్రామ్లో పోస్ట్ చేశారు. ఈ ఫొటోలో పూజా.. ముఖానికి మాస్క్, చేతులకు గ్లోవ్స్ వేసుకుని ఉన్నారు. దీనికి కారణం కరోనా వైరస్ భయం. ప్రస్తుతం యూరప్లో కరోనా వైరస్ విజృంభిస్తోంది. అందుకే, రక్షణ చర్యల్లో భాగంగా పూజా హెగ్డే ఈ జాగ్రత్తలు తీసుకున్నారు. స్వెట్ జాకెట్, వైట్ షూస్ వేసుకుని ఎయిర్పోర్ట్లో పూజా హెగ్డే ధీనంగా చూస్తోన్న ఈ ఫొటో చూస్తుంటే ‘ఎన్ని కష్టాలొచ్చాయి’ అనిపిస్తుంది.
అల్లు అర్జున్ డైరెక్టర్తో రవితేజ సినిమా
మాస్ మహారాజా రవితేజ కొత్త ప్రాజెక్ట్కు గ్రీన్ సిగ్నల్ ఇచ్చారు. ఔట్ అండ్ ఔట్ మాస్ యాక్షన్ ఎంటర్టైనర్గా రూపొందే ఈ సినిమాను వక్కంతం వంశీ దర్శకత్వం వహించనున్నారు. టాలీవుడ్లో కథా రచయితగా తనకంటూ ప్రత్యేక గుర్తింపును సంపాదించుకున్న వక్కంతం వంశీ.. ‘నా పేరు సూర్య.. నా ఇల్లు ఇండియా’ సినిమాతో దర్శకుడిగా మారారు. ఈ సినిమాలో అల్లు అర్జున్ను చాలా రఫ్ చూపించి దర్శకుడిగా తన ప్రత్యేకతను చాటుకున్నారు. అయితే, ఈ సినిమా ప్రేక్షకులను పెద్దగా ఆకట్టుకోలేకపోయింది. అయితే, వంశీ ఇప్పుడు రవితేజ కోసం ఒక అద్భుతమైన స్క్రిప్ట్ సిద్ధం చేశారట. గతంలో రవితేజ నటించిన కొన్ని సినిమాలకు వంశీ రైటర్గా పనిచేశారు. వంశీ వినిపించిన స్క్రిప్ట్ బాగా నచ్చడంతో.. ఆయనతో కలిసి పనిచేయడానికి రవితేజ అంగీకరించారు. ఈ చిత్రాన్ని ఎవరు నిర్మిస్తారు, ఇందులో హీరోయిన్ ఎవరు అనే వివరాలు త్వరలోనే వెల్లడించనున్నారు.
NBK 106 తొలి షెడ్యూల్ పూర్తి
నందమూరి బాలకృష్ణ, బోయపాటి శ్రీను కాంబినేషన్లో తెరకెక్కుతోన్న సినిమా మొదటి షెడ్యూల్ షూటింగ్ను పూర్తయ్యింది. ఇటీవలే హైదరాబాద్లోని రామోజీ ఫిలిం సిటీలో మొదటి షెడ్యూల్ షూటింగ్ను మొదలుపెట్టారు. అయితే, ఈ షెడ్యూల్ పూర్తయినట్టు దర్శకుడు బోయపాటి సోషల్ మీడియా ద్వారా వెల్లడించారు. ‘‘ఎమోషనల్ సీక్వెన్స్తో తొలి షెడ్యూల్ను విజయవంతంగా పూర్తి చేశాం. తరవాత షెడ్యూల్ కోసం సన్నాహాలు చేస్తున్నాం’’ అని బోయపాటి శ్రీను తన ఫేస్బుక్ పోస్ట్లో పేర్కొన్నారు. తరవాత షెడ్యూల్ కూడా హైదరాబాద్లోనే మొదలుకానుంది. ఈ సినిమాలో అంజలి నటిస్తున్నట్టు సమాచారం. ఇదే గనుక నిజమైతే ‘డిక్టేటర్’ తరవాత బాలకృష్ణతో అంజలి నటించడం ఇది రెండోసారి అవుతుంది.
పెళ్లి చేసుకున్న బన్నీ హీరోయిన్
అల్లు అర్జున్తో ‘పరుగు’ సినిమాలో నటించిన షీలా కౌర్ పెళ్లి పీటలు ఎక్కింది. ప్రముఖ వ్యాపారవేత్త సంతోష్ రెడ్డిని పెళ్లాడింది షీలా. బుధవారం నాడు చెన్నైలో కుటుంబ సభ్యులు, సన్నిహితుల సమక్షంలో వీరి వివాహం సింపుల్గా జరిగినట్టు తెలుస్తోంది. అల్లు అర్జున్తో ‘పరుగు’, ఎన్టీఆర్తో ‘అదుర్స్’ రామ్తో ‘మస్కా’ చిత్రాల్లో నటించిన ఈ ముద్దుగుమ్మకు మెల్లగా ఆఫర్స్ తగ్గిపోవడంతో చివరిగా బాలయ్య ‘పరమవీర చక్ర’ సినిమాలో నటించింది. వీటితో పాటు హలో ప్రేమిస్తారా, రాజు భాయ్, సీతాకోక చిలుక తదితర చిత్రాలతో పాటు కన్నడ, మళయాలంలో పాతికకిపైగా చిత్రాల్లో నటించింది షీలా. అయితే ఆమెకు అన్ని భాషల్లోనూ ఆఫర్స్ బాగానే వచ్చినప్పటికీ సరైన హిట్ పడకపోవడంతో షీలా మెల్ల మెల్లగా సినిమాలకు దూరమైంది. ఈ మధ్య కాలంలో ఆమె బాగా బక్కచిక్కి గుర్తుపట్టలేనంతగా కనిపించిన ఫొటో ఒకటి సోషల్ మీడియాలో వైరల్ అయ్యింది. సినిమాలకు లాంగ్ గ్యాప్ ఇచ్చిన తరువాత సంతోష్ రెడ్డితో రియల్ లైఫ్ వైఫ్గా మారి సర్ ప్రైజ్ చేసింది షీలా.
సూపర్ స్టార్ రజినీకాంత్పై కమెడియన్ వడివేలు ఆసక్తికర వ్యాఖ్యలు చేశారు. వడివేలు తప్పుగా ఏమీ మాట్లాడకపోయినా.. రజినీని ఉద్దేశించి కొంచెం సెటైరికల్గా మాట్లాడారు. తూతుకూడి జిల్లాలో ఉన్న తిరుచెందూర్ సుబ్రహ్మణ్య స్వామి ఆలయాన్ని తాజాగా వడివేలు సందర్శించారు. ఈ సందర్భంగా మీడియా ప్రతినిధులు ఆయన్ని పలకరించారు. అయితే.. తాను రాజకీయ పార్టీని పెడతాను కానీ, ముఖ్యమంత్రి అభ్యర్థిగా పోటీ చేయనని.. విజ్ఞానవంతుడైన వ్యక్తినే సీఎంను చేస్తానని రజినీకాంత్ చేసిన వ్యాఖ్యలపై స్పందించాలని వడివేలును విలేకరులు కోరారు. ‘‘ఆయన చెప్పింది కరెక్టే కదా. రజినీ సార్ ఎప్పుడు రాజకీయాల్లోకి వస్తారో నీకు తెలీదు, నాకు తెలీదు, అసలు ఆయనకే తెలీదు. ఆయన సీఎం కాకపోయినా 2021లో నేను సీఎం అవుతా. ఏ మీరంతా నాకు ఓటు వేయరా?’’ అని వడివేలు సరదాగా అక్కడున్న వారిని అడిగారు. వారంతా ఓటేస్తాం అని అనగానే.. ‘‘అయితే నేనే సీఎం’’ అని నవ్వుతూ అన్నారు.
నటుడి కొడుకుతో ఆమిర్ ఖాన్ క్యూట్ ఫొటోలు
మిస్టర్ పర్ఫెక్ట్ ఆమిర్ ఖాన్ ‘లాల్ సింగ్ చద్ధా’ అనే సినిమాతో ప్రేక్షకుల ముందుకు వచ్చేందుకు సిద్ధమవుతున్నారు. ప్రస్తుతం ఈ సినిమా షూటింగ్ అమృత్సర్లో జరుగుతోంది. ఇప్పటికే విడుదలైన ఫస్ట్ లుక్ పోస్టర్కు మంచి స్పందన వచ్చింది. అయితే, తాజాగా షూటింగ్ స్పాట్ నుంచి బయటికి వచ్చిన కొన్ని ఆమిర్ ఖాన్ ఫొటోలు సోషల్ మీడియాలో వైరల్గా మారాయి. ఈ ఫొటోల్లో ఆమిర్ ఖాన్ ఒక చిన్న బాబుని ఎత్తుకున్నారు. అతన్ని ప్రేమగా ముద్దాడుతున్నారు. ఇంతకీ ఆ బాబు ఎవరంటే.. పంజాబ్ నటుడు జిప్పీ గ్రేవాల్ కొడుకు. ‘లాల్ సింగ్ చద్ధా’ సెట్స్లో తన కుమారుడితో ఆమిర్ ఖాన్ ఆడుకుంటున్న ఫొటోలను జిప్పీ తన ట్విట్టర్ హ్యాండిల్లో పోస్ట్ చేశారు.
అక్షయ్ కుమార్ సినిమాకు కరోనా ఎఫెక్ట్
బాలీవుడ్ యాక్షన్ హీరో అక్షయ్ కుమార్ హీరోగా నటించిన సినిమా ‘సూర్యవంశీ’కి కరోనా ఎఫెక్ట్ తగిలింది. దేశంలో రోజురోజుకి కరోనా వైరస్ పాజిటివ్ కేసులు పెరుగుతుండటంతో ఈ సినిమాను ఇప్పుడు విడుదల చేయడం కరెక్ట్ కాదని భావించి వాయిదా వేశారు. పరిస్థితి చక్కబడిన తరవాత సినిమాను విడుదల చేస్తామని చిత్ర యూనిట్ అధికారికంగా ప్రకటించింది. రోహిత్ శెట్టి దర్శకత్వం వహించిన ఈ సినిమా ఈనెల 24న విడుదల కావాల్సిఉంది. కానీ, కరోనా ఎఫెక్ట్ను దృష్టిలో పెట్టుకుని చిత్ర విడుదలను వాయిదా వేశారు. ఈ చిత్రాన్ని రిలయన్స్ ఎంటర్టైన్మెంట్ సమర్పణలో ధర్మ ప్రొడక్షన్స్, కేప్ ఆఫ్ గుడ్ ఫిల్మ్స్ సహకారంతో రోహిత్ శెట్టి పిక్చరేజ్ బ్యానర్పై హిరూ యశ్ జోహార్, అరుణ భాటియా, రోహిత్ శెట్టి, కరణ్ జోహార్, అపూర్వ మెహతా సంయుక్తంగా నిర్మించారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.