Tollywood Roundup March 17; Latest Telugu Movie News And Updates Today
టాలీవుడ్ రౌండప్: సోది హీరోపై లావణ్య త్రిపాఠి కేసు.. సామాజిక దూరం పాటించాలన్న మహేష్
ఇండియాలోని అతిపెద్ద సినీ ఇండస్ట్రీలలో టాలీవుడ్ ఒకటి. నిజానికి ఒక్క సంవత్సరంలో టాలీవుడ్లో వచ్చినన్ని సినిమాలు ఏ ఇండస్ట్రీలో రావు. మరి అంత పెద్ద ఇండస్ట్రీ నుంచి వార్తలు కూడా అదే స్థాయిలో వస్తాయి కదా. తెలుగు సినిమాలకు సంబంధించి ప్రతిరోజూ బోలెడన్ని వార్తలు వస్తుంటాయి. కొత్త సినిమాల విశేషాలు, విడుదల తేదీలు, మీడియా సమావేశాలు, సెలబ్రిటీల వ్యక్తిగత విషయాలు, రూమర్లు, గాసిప్లు ఇలా చాలా వార్తలు ఉంటాయి. వాటిలో కొన్ని ఆసక్తికరంగా ఉంటే.. మరికొన్ని విసుగు తెప్పిస్తాయి. వాటన్నిటితో విసిగించకుండా ఈరోజు ఆసక్తికరమైన వార్తలన్నింటినీ ఒకే చోట అందించే ప్రయత్నం చేస్తున్నాం. కేవలం మార్చి 17 నాటి అప్డేట్స్ అందిస్తున్నాం. సాయితేజ్ సినిమాలో రమ్యకృష్ణ చేస్తోన్న పాత్ర ఏంటి?, ప్రభాస్ 20వ సినిమా ఫస్ట్ లుక్ ఎప్పుడు?, కరోనా వైరస్పై మహేష్ బాబు, నాని చేసిన సూచనలు ఏంటి?, బాలీవుడ్ సీనియర్ నటుడు మృతి, హీరో కాని హీరోపై లావణ్య త్రిపాఠి కేసు ఎందుకు పెట్టింది? వంటి ఆసక్తికర వార్తలు ఇక్కడ అందుబాటులో ఉంచాం.
Samayam Telugu17 Mar 2020, 9:03 pm
ఇండియాలోని అతిపెద్ద సినీ ఇండస్ట్రీలలో టాలీవుడ్ ఒకటి. నిజానికి ఒక్క సంవత్సరంలో టాలీవుడ్లో వచ్చినన్ని సినిమాలు ఏ ఇండస్ట్రీలో రావు. మరి అంత పెద్ద ఇండస్ట్రీ నుంచి వార్తలు కూడా అదే స్థాయిలో వస్తాయి కదా. తెలుగు సినిమాలకు సంబంధించి ప్రతిరోజూ బోలెడన్ని వార్తలు వస్తుంటాయి. కొత్త సినిమాల విశేషాలు, విడుదల తేదీలు, మీడియా సమావేశాలు, సెలబ్రిటీల వ్యక్తిగత విషయాలు, రూమర్లు, గాసిప్లు ఇలా చాలా వార్తలు ఉంటాయి. వాటిలో కొన్ని ఆసక్తికరంగా ఉంటే.. మరికొన్ని విసుగు తెప్పిస్తాయి. వాటన్నిటితో విసిగించకుండా ఈరోజు ఆసక్తికరమైన వార్తలన్నింటినీ ఒకే చోట అందించే ప్రయత్నం చేస్తున్నాం. కేవలం మార్చి 17 నాటి అప్డేట్స్ అందిస్తున్నాం. సాయితేజ్ సినిమాలో రమ్యకృష్ణ చేస్తోన్న పాత్ర ఏంటి?, ప్రభాస్ 20వ సినిమా ఫస్ట్ లుక్ ఎప్పుడు?, కరోనా వైరస్పై మహేష్ బాబు, నాని చేసిన సూచనలు ఏంటి?, బాలీవుడ్ సీనియర్ నటుడు మృతి, హీరో కాని హీరోపై లావణ్య త్రిపాఠి కేసు ఎందుకు పెట్టింది? వంటి ఆసక్తికర వార్తలు ఇక్కడ అందుబాటులో ఉంచాం.
సునిశిత్పై కేసు పెట్టిన లావణ్య త్రిపాఠి
హీరోయిన్ లావణ్య త్రిపాఠితో తనకు పెళ్లైందని.. తమ ఇంట్లో ఒప్పుకోకపోవడంతో ఆమెను గుడిలో పెళ్లి చేసుకుని కాపురం చేశానని.. ఐదునెలల్లో మూడు సార్లు అబార్షన్ చేయించా అంటూ ఓ యూట్యూబ్ ఛానల్లో పిచ్చి కూతలు కూసిన శ్రీరామోజు సునిశిత్ అనే వ్యక్తిపై హైదరాబాద్ సైబర్ పోలీసులు కేసు నమోదు చేశారు. ఈ-మెయిల్ ద్వారా లావణ్య త్రిపాఠి ఇచ్చిన ఫిర్యాదును పరిగణనలోకి తీసుకున్న సైబర్ క్రైమ్ పోలీసులు సునిశిత్ను అదుపులోకి తీసుకున్నారు. అతనితో ఇంటర్వ్యూలు చేసిన వివిధ యూట్యూబ్ ఛానల్స్ యాంకర్స్ని, ఆ ఛానల్స్ నిర్వాహకుల్ని విచారణ నిమిత్తం కమీషనర్ ఆఫీస్కి తీసుకువెళ్తున్నారు. తనను తాను హీరోగా, దర్శకుడిగా ప్రకటించుకున్న సునిశిత్ ఈ మధ్య కాలంలో యూట్యూబ్లో బాగా పాపులర్ అయిపోయాడు.
పవర్ఫుల్ పొలిటీషియన్గా రమ్యకృష్ణ
రమ్యకృష్ణ ప్రస్తుతం సాయి ధరమ్ తేజ్ హీరోగా తెరకెక్కుతోన్న సినిమాలో నటిస్తున్నారు. ఈ సినిమాకు ‘ప్రస్థానం’ ఫేం దేవాకట్టా దర్శకత్వం వహిస్తున్నారు. ఇటీవలే పవర్ స్టార్ పవన్ కళ్యాణ్ కొబ్బరికాయ కొట్టి ఈ సినిమాను ప్రారంభించారు. ఈ సినిమాలో రమ్యకృష్ణ నటిస్తున్నట్టు ఇప్పటికే చిత్ర యూనిట్ ప్రకటించింది. అయితే, ఆమె పవర్ఫుల్ పొలిటీషియన్ పాత్రలో కనిపిస్తారని ప్రస్తుతం ఇండస్ట్రీలో వినిపిస్తోన్న టాక్. ఇదే నిజమైతే మరోసారి రమ్యకృష్ణ నట విశ్వరూపాన్ని వెండితెరపై చూసేయొచ్చు. కాగా, పొలిటికల్ డ్రామాగా తెరకెక్కుతోన్న ఈ చిత్రాన్ని జె.బి.ఎంటర్టైన్మెంట్స్ బ్యానర్పై జె.భగవాన్, జె.పుల్లారావు నిర్మిస్తున్నారు. నివేదా పేతురాజ్ హీరోయిన్గా నటిస్తోంది.
కరోనా వైరస్పై మహేష్ బాబు జాగ్రత్తలు
కరోనా వైరస్ వ్యాప్తిచెందుతోన్న నేపథ్యంలో ప్రజలు తగు జాగ్రత్తలు తీసుకోవాలని సూపర్ స్టార్ మహేష్ బాబు సూచించారు. వైరస్ ఒకరి నుంచి ఒకరికి ఎంత వేగంగా వ్యాపిస్తుందో ఒక క్రియేటివ్ వీడియో ద్వారా ప్రజలకు సులభంగా అర్థమయ్యేలా వివరించారు. ఇలాంటి పరిస్థితుల్లో సామాజిక దూరాన్ని పాటించాలన్నారు. ఇలా చేయడం కష్టమే అయినప్పటికీ దీన్ని పాటించాల్సిన అవసరం ఉందని సూచించారు. మన సామాజిక జీవితాన్ని త్యాగం చేసే సమయం ఇదని అన్నారు. ప్రజా భద్రతను దృష్టిలో పెట్టుకుని దీన్ని పాటించక తప్పదన్నారు. ఈ మేరకు ఇన్స్టాగ్రామ్లో ఆయన ఒక పోస్ట్ చేశారు.
మోహన్ బాబు పుట్టినరోజు వేడుకలు వాయిదా
డైలాగ్ కింగ్ మోహన్ బాబు పుట్టినరోజు సందర్భంగా ప్రతి ఏటా మార్చి 19న శ్రీ విద్యానికేతన్ విద్యాసంస్థల వార్షికోత్సవాన్ని నిర్వహిస్తున్నారు. తిరుపతిలోని శ్రీ విద్యానికేతన్ క్యాంపస్లో ఈ వార్షికోత్సవ వేడుకలను అంగరంగ వైభంగా జరుపుతారు. అక్కడే మోహన్ బాబు పుట్టినరోజు వేడుకలు కూడా జరుగుతాయి. అయితే, ఈ ఏడాది మోహన్ బాబు పుట్టినరోజు నాడు ఈ వార్షికోత్సవ వేడుకలు జరగడంలేదు. దీనికి కారణం కరోనా వైరస్. అందరి ఆరోగ్యాన్ని దృష్టిలో ఉంచుకుని ఈ వార్షికోత్సవ వేడుకలను వాయిదా వేశారు. ఈ విషయాన్ని మోహన్ బాబు స్వయంగా వెల్లడించారు. ఈ మేరకు సోషల్ మీడియా ద్వారా ఒక ప్రకటన విడుదల చేశారు.
పాలిటిక్స్, కులం, పవర్.. తొక్క తోలు ఏమీ ఉండదు: నాని
కరోనా వైరస్ గురించి నేచురల్ స్టార్ నాని కాస్త వెరైటీగా స్పందించారు. ఆయన రూటే సపరేటు కదా.. అందుకే, తన స్టైల్లోనే ప్రజలకు జాగ్రత్తలు చెప్పారు. ‘‘పాలిటిక్స్, కులం, మతం, పవర్, డబ్బు, ఫేమ్ తొక్క తోలు ఏమీ ఉండదు. చివరకి మనిషికి మనిషే. మనమంతా ఒక పెద్ద కుటుంబం. ఒకరిపై ఒకరు జాగ్రత్త తీసుకోవడం ఎంతో అవసరం. బాధ్యతగా ఉండండి.. భద్రంగా ఉండండి’’ అని నాని ట్వీట్ చేశారు. ఈ ట్వీట్కు నాని ఫ్యాన్స్ నుంచి మంచి స్పందన వస్తోంది. ‘‘భలే చెప్పారు’’ నాని అన్న అంటూ ఆయన్ని మోసేస్తున్నారు. నిజమే కదా.. వైరస్కు చిన్నా పెద్దా తేడా ఏముంటుంది. ఎవరికైనా సోకుతుంది. ఎవరి ప్రాణాలైనా తీస్తుంది. అందుకే అంతా జాగ్రత్తగా ఉండాలి.
బాలీవుడ్ సీనియర్ నటుడు మృతి
బాలీవుడ్ సీనియర్ నటుడు, నిర్మాత ఇంతియాజ్ ఖాన్ కన్నుమూశారు. 77 ఏళ్ల ఇంతియాజ్ ఖాన్ మంగళవారం ముంబైలో మృతిచెందారు. అయితే, ఆయన మరణానికి గల కారణాలు తెలియలేదు. అనారోగ్యంతోనే మృతి చెందినట్టు ప్రాథమిక సమాచారం. ‘షోలే’ సినిమాలో గబ్బర్ సింగ్ పాత్రలో బాలీవుడ్ ప్రేక్షకులను కట్టిపడేసిన దివంగత నటుడు అంజాద్ ఖాన్ సోదరుడే ఈ ఇంతియాజ్ ఖాన్. అలనాటి నటుడు జయంత్ కుమారుడు కూడా. ఇంతియాజ్కు భార్య, కుమార్తె ఉన్నారు. భార్య కృతికా దేశాయ్ ప్రముఖ సినీ, టీవీ నటి. కుమార్తె పేరు అయేషా ఖాన్.
కరోనా ఎఫెక్ట్: ఐసోలేషన్లో దిగ్గజ నటుడు
కరోనా వైరస్ నుంచి తనను తాను రక్షించుకోవడం కోసం బాలీవుడ్ దిగ్గజ నటుడు దిలీప్ కుమార్ స్వీయ నిర్బంధం చేసుకున్నారు. ఈ విషయాన్ని ఆయనే స్వయంగా ట్విట్టర్ ద్వారా వెల్లడించారు. కరోనా వైరస్ వేగంగా వ్యాప్తి చెందుతున్న నేపథ్యంలో తనకు అది సోకకుండా ముందు జాగ్రత్తగా తాను పూర్తిగా ఐసోలేషన్ గదిలో విశ్రాంతి తీసుకుంటున్నట్లు దిలీప్ కుమార్ ప్రకటించారు. ‘‘నాకు ఎలాంటి ఇన్ఫెక్షన్ సోకకూడదని సైరా (దిలీప్ కుమార్ భార్య) అన్ని జాగ్రత్తలు తీసుకుంటోంది’’ అని ట్వీట్లో దిలీప్ కుమార్ పేర్కొన్నారు. దేశ ప్రజలకు కూడా ఆయన జాగ్రత్తలు చెప్పారు. ‘‘అందరూ ఎవరికి వారు జాగ్రత్తలు తీసుకోవాలని, వీలైనంత వరకు ఇంట్లోనే ఉండటానికి ప్రయత్నించాలని కోరుతున్నా. కరోనా వైరస్ అన్ని హద్దులను, సరిహద్దులను దాటుకొని వచ్చేస్తోంది. ఆరోగ్య శాఖలు జారీ చేసిన అన్ని సూచనలను పాటించండి. మిమ్మల్ని మీరే రక్షించుకోవాలి. ఇతరులను బహిరంగంగా కలవడం తగ్గించండి’’ అని దిలీప్ కుమార్ సూచించారు.
త్వరలో ప్రభాస్ సినిమా ఫస్ట్ లుక్
ప్రభాస్ 20వ సినిమా ఫస్ట్ లుక్ను త్వరలోనే విడుదల చేయనున్నట్టు ఆ చిత్ర దర్శకుడు రాధాకృష్ణ కుమార్ వెల్లడించారు. ఈ మేరకు ఆయన మంగళవారం ట్వీట్ చేశారు. ‘‘మరో షెడ్యూల్ పూర్తిచేశాం. ఈ షెడ్యూల్ను త్వరితగతిన పూర్తిచేయడానికి సహకరించిన జార్జియన్ టీమ్కు కృతజ్ఞతలు. మీరంతా చాలా మంచివారు. ప్రభాస్ 20వ సినిమా ఫస్ట్ లుక్ త్వరలో వస్తుంది’’ అని తన ట్వీట్లో రాధాకృష్ణ కుమార్ పేర్కొన్నారు. ‘సాహో’ తరవాత ప్రభాస్ హీరోగా వస్తోన్న సినిమా కావడంతో ఈ చిత్రంపై భారీ అంచనాలున్నాయి. ఇది కూడా భారీ బడ్జెట్తో పాన్ ఇండియా మూవీగా తెరకెక్కుతోంది. గోపీకృష్ణ మూవీస్, యూవీ క్రియేషన్స్ సంస్థలు సంయుక్తంగా ఈ సినిమాను నిర్మిస్తున్నాయి.
యంగ్ డైరెక్టర్కు మహేష్ బాబు ఫిదా
‘సరిలేరు నీకెవ్వరు’తో యంగ్ డైరెక్టర్ అనిల్ రావిపూడికి ఛాన్స్ ఇచ్చిన సూపర్ స్టార్ మహేష్ బాబు.. త్వరలో పరశురామ్ దర్శకత్వంలో నటించేందుకు సిద్ధమవుతున్నారు. ‘గీత గోవిందం’తో బ్లాక్ బస్టర్ హిట్ అందుకున్న పరశురామ్ తొలిసారి థ్రిల్లర్ స్టోరీతో మహేష్ను డైరెక్ట్ చేస్తున్నారు. ఇదిలా ఉంటే, తాజాగా మహేష్ నుంచి మరో యంగ్ డైరెక్టర్కు అదిరే ఆఫర్ వచ్చినట్లు టాలీవుడ్లో టాక్ వినిపిస్తోంది. ‘ఛలో’ సినిమాతో తెలుగు ప్రేక్షకులకు పరిచయం అయిన దర్శకుడు వెంకీ కుడుముల. ఈ మధ్య నితిన్తో కలిసి వెంకీ తీసిన సినిమా ‘భీష్మ’. ఈ సినిమా హిట్ టాక్ రావడంతో వెంకీకి పెద్ద ఆఫర్లు వస్తున్నాయి. ఇటీవల ‘భీష్మ’ సినిమాను మహేష్ చూశారు. ఆ మూవీ ఆయనకు బాగా నచ్చిందట. దీంతో దర్శకుడు వెంకీని మహేష్ తన వద్దకు పిలిపించుకున్నారట. అంతేకాదు తనకు సెట్ అయ్యేలా మంచి కథను కూడా సిద్ధం చేయమన్నారట. దీంతో ఇప్పుడు వెంకీ.. మహేష్ కోసం మరో కథను సిద్ధం చేసే పనిలో పడినట్లు సమాచారం.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.