పవన్ కళ్యాణ్‌కి జన్మదిన శుభాకాంక్షల్లో భాగంగా.. ఆయనకు రాజకీయ అభివృద్ధిరస్తు అని అన్నారు ప్రముఖ రచయిత గోపాలకృష్ణ. పవన్‌కి పుట్టినరోజు శుభాకాంక్షల్ని తెలియజేస్తూ ఓ వీడియోను రూపొందించారు. ఈ సందర్భంగా పవన్ గురించి ఆసక్తికరమైన విషయాలను తెలియజేశారు పరుచూరి.

ఆయన మాట్లాడుతూ.. ‘పవన్ కళ్యాణ్ అసలు రాజకీయాల్లోకి వెళ్తాడని ఎప్పుడూ అనుకోలేదు. 2009లో రాజకీయాల్లోకి వచ్చాడు. తరువాత వెనక్కివెళిపోతాడులే అనుకున్నాం. కాని 2014లో ఏ పదవీ ఆశించకుండా.. తెలుగుదేశానికి సపోర్ట్ చేశారు. చిన్న పదవి కూడా కోరలేదు. అతను పదవుల కోసం రాజకీయాల్లోకి రాలేదు.

Read Also: బిగ్ బాస్ హింసాత్మకం.. ఒంటిపై బట్టలు ఊడేలా తన్నుకున్నారు ఛీ..ఛీ

గత ఎన్నికల్లో ఆయన భీమవరంలో ఓడిపోయిన తరువాత ఒక మాట అన్నారు. నేను ఇవాళో రేపో వెలిపోవడానికి రాజకీయాల్లోకి రాలేదు.. నన్ను మీలో నలుగురు వచ్చి మోసే వరకూ రాజకీయాల్లో ఉంటా అన్నారు. అలాంటి పరిస్థితి రాకూడదు. నువ్ నిండు నూరేళ్లు ఉండాలి. అందుకే ఈ వ్యాఖ్యాన్ని నీ పుట్టిన రోజు సందర్భంగా చెబుతున్నా.

పవన్ పడలేదు.. పైకి లేస్తాడు
నేను బాగుండాలని అందరూ అనుకుంటారు.. కాని సమాజం బాగుండాలని కొద్ది మందే కోరుకుంటారు. వాళ్లలో పవన్ కళ్యాణ్ ఒకరు. ‘మనం గెలిచినప్పుడు మన వాళ్లు ఎవరో తెలియదు.. మనం ఓడిపోయినప్పుడే మన వాళ్లు ఎవరో తెలుస్తోంది’ అని పవన్ కళ్యాణ్ చెబుతూ ఉంటారు. అది అక్షరాలా నిజం. బంతికి ఒక లక్షణం ఉంటుంది.. కొడితే పైకి లేస్తుంది. పవన్‌కి తొక్కితే పైకి లేస్తాడు. సినిమాల్లో మాదిరే.. రాజకీయాల్లోనూ పవన్ అంతే. కాబట్టి పవన్ నిలబడాలి.

ఎన్నికల్లో ఏం జరిగిందో ఎవరికీ తెలియదు.. జగన్ సీఎం అయ్యారు..
ఇంత ఉన్నతమైన వ్యక్తిత్వం ఉన్న పవన్ కళ్యాణ్ గత ఎన్నికల్లో ఓడిపోవడం ఆశ్చర్యం. మరి ఏం జరిగిందో ఏమో కాని.. జగన్ మోహన్ రెడ్డి సీఎం అయ్యారు. ఆయన కూడా చాలా కష్టపడ్డాడు. జనంలో తిరిగాడు. ఆయనకు జనం ఓ అవకాశం ఇచ్చారు. అయితే ఇందులో పవన్ కళ్యాణ్‌ను వదిలేయడం అనేది బాధాకరం. పవన్ లాంటి వాడు ఒక్కడు అసెంబ్లీలో ఉండి ఉంటే.. పుచ్చలపల్లి సుందరయ్యలా ఆనందపడేవాళ్లం.

పవన్‌కి ఓ రోజు వస్తుంది..
ప్రతి వ్యక్తి జీవితంలోనూ ఓ మంచి రోజు ఉంటుంది. పవన్ కళ్యాణ్‌కి ఒక రోజు వస్తుంది. ఇలాంటి వ్యక్తి నిండునూరేళ్లు ఉండాలి. అతని ఆశయం అద్భుతం. సుఖమైన జీవితాన్ని వదిలేసి ప్రజల్లో తిరుగుతున్నావ్. జనంలో ఉన్న నాయకుడుకి ఎప్పటికైనా గెలుపు ఉంటుంది. వచ్చే పుట్టినరోజు నాటికి నువ్ మరింత శక్తిమంతుడవు అవుతావని ఆశిస్తున్నా’ అన్నారు పరుచూరి.

photo and video courtesy By Paruchuri Gopala Krishna