సంక్రాంతి రేసులో మాస్ మహారాజ!

రాజా ది గ్రేట్ సినిమాతో ఐయామ్ బ్యాక్ అనిపించుకున్న మాస్ మహారాజ రవితేజ అదే జోష్‌లో మరో సినిమాతో అభిమానుల ముందుకొచ్చేందుకు రెడీ అవుతున్నాడు. కాకపోతే ఈసారి తన సినిమాను భారీ పోట మధ్యలో సంక్రాంతి రేసులో నిలబెట్టాడు ఈ మాస్ మహారాజ. రాజా ది గ్రేట్ షూటింగ్ సమయంలోనే రవితేజ సైన్ చేసిన టచ్ చేసి చూడు మూవీ రిలీజ్ డేట్ ఫిక్స్ అయింది. రవితేజ అభిమానులకి వచ్చే సంక్రాంతి పండగ కానుకగా జనవరి 13న టచ్ చేసి చూడు సినిమాను రిలీజ్ చేసేందుకు నిర్మాతలు నల్లమలుపు శ్రీనివాస్, వల్లభనేని వంశీ ఏర్పాట్లు చేసుకుంటున్నట్టు సమాచారం.

విక్రమ్ సిరికొండ డైరెక్ట్ చేస్తున్న ఈ సినిమాలో రవితేజ సరసన రాశి ఖన్నా, సీరత్ కపూర్ ఫీమేల్ లీడ్ రోల్స్ పోషిస్తున్నారు. రాజా ది గ్రేట్ సినిమాతో చాలా గ్యాప్ తర్వాత సక్సెస్ అందుకున్న రవితేజ 'టచ్ చేసి చూడు'తో కూడా హిట్ అందుకున్నట్టయితే, అతడి కెరీర్‌ గ్రాఫ్‌ మళ్లీ కొంత కాలంపాటు గాడిన పడినట్టే అంటున్నారు సినీ క్రిటిక్స్.