త్రిషకు కోపం తెప్పించే ప్రశ్న!

ఏ అమ్మాయినైనా పెళ్లి గురించి అడిగితే మొదటగా సిగ్గు పడి నవ్వేస్తుంటారు. మన హీరోయిన్లు కూడా తక్కువేమీ కాదు. వాళ్ళ స్టైల్‌లో సరదాగా సమాధానాలు చెప్తూ ఉంటారు. అయితే చెన్నై బ్యూటీ త్రిషకు మాత్రం ఈ ప్రశ్న అసలు నచ్చదట. పెళ్లి ప్రస్తావన తెస్తుంటేనే అమ్మడు విపరీతమైన కోపం వచ్చేస్తుందట. ఈ విషయాన్ని ఆమె స్వయంగా వెల్లడించారు.

ఎవరైనా వచ్చి పెళ్లి ఎప్పుడు చేసుకుంటారనే ప్రశ్న వేస్తే నాకు చాలా అసహ్యం. వారి మీద చిరాకు కూడా వచ్చేస్తుంటుంది. నాకు సమాధానం కూడా చెప్పాలనిపించదు. నాకు అసలు ఆ ప్రశ్న అంటేనే చిరాకు అని చెప్పుకొచ్చింది ఈ బ్యూటీ. ఇటీవలే నిశ్చితార్ధం జరిగి పెళ్లిపీటల వరకు వచ్చిన త్రిష పెళ్లి కొన్ని అనివార్య కారణాల వలన హఠాత్తుగా మధ్యలోనే ఆగిపోయింది. అందుకే త్రిష పెళ్లి మీద ఇంత ద్వేషం పెంచుకుందని చెప్పుకుంటున్నారు.