Pawan Kalyan: పవన్, త్రివిక్రమ్‌ కలిస్తే ఆ విషయాలపైనే ఎక్కువ డిస్కషన్: త్రివిక్రమ్ వైఫ్

మాటల మాంత్రికుడు త్రివిక్రమ్ శ్రీనివాస్ (Trivikram Srinivas), పవర్‌స్టార్ పవన్ కళ్యాణ్ (Pawan Kalyan) మధ్య గల బాండింగ్ గురించి ప్రత్యేకంగా చెప్పాల్సిన పని లేదు. పలు సినిమాల ప్రీరిలీజ్ ఫంక్షన్స్‌లో తమ ఫ్రెండ్‌షిప్ గురించి వెల్లడిస్తూ ఒకరి పట్ల మరొకరు గౌరవాన్ని ప్రదర్శించుకున్న సందర్భాలున్నాయి. అయితే పవన్, త్రివిక్రమ్ స్నేహం గురించి అభిమానులకు తెలిసింది తక్కువే. వీళ్లిద్దరినీ అందరికంటే దగ్గరగా చూసిన వ్యక్తి మరొకరు ఉన్నారు. ఆమె ఎవరో కాదు.. త్రివిక్రమ్ వైఫ్, రీసెంట్‌గా ‘సార్’ మూవీతో ప్రొడ్యూసర్‌గా హిట్ కొట్టిన సాయి సౌజన్య (Sai Soujanya). ఆమె వీళ్ల ఫ్రెండ్‌షిప్ గురించి ఆసక్తికర విషయాలు షేర్ చేసుకున్నారు.పవన్ కళ్యాణ్ ఎప్పుడైనా తమ ఇంటికి వస్తే.. త్రివిక్రమ్‌తో డీప్ డిస్కషన్స్‌లో మునిగిపోతారని సౌజన్య తెలిపారు. ఈ క్రమంలో ఎక్కువగా పురాణాల గురించి మాట్లాడుకుంటారని చెప్పింది. ‘వారి మధ్య గొప్ప స్నేహం ఉంది. ఒకరినొకరు చాలా గౌరవించుకుంటారు. ఇక త్రివిక్రమ్ తన పుస్తకాలను ఎవరికీ ఇచ్చేందుకు ఇష్టపడరు. కానీ పవన్ అడిగితే మాత్రం వెంటనే ఇచ్చేస్తారు. నిజానికి ఇద్దరూ ఇచ్చిపుచ్చుకునే గిఫ్ట్స్‌లో ఎక్కువగా పుస్తకాలు, పెన్నులే ఉంటాయి’ అని చెప్పుకొచ్చింది.
Devi Sri Prasad: పెళ్లికి సిద్ధమైన రాక్‌స్టార్ దేవిశ్రీ ప్రసాద్.. అమ్మాయితో భారీగా ఏజ్ గ్యాప్?
ఇదే క్రమంలో పవన్‌కు కళ్యాణ్‌కు ఇష్టమైన ఫుడ్ ఐటెమ్స్ గురించి కూడా సౌజన్య వెల్లడించారు. ఆయనకు తమ ఇంట్లో చేసే ఫుడ్ ఐటమ్స్ అంటే చాలా ఇష్టమని, ఎప్పుడైనా మార్నింగ్ టైమ్‌లో ఇంటికొస్తే స్పెషల్‌గా ఉప్మా అడగుతారని, మధ్యాహ్న భోజనంలో అయితే వెజిటేరియన్, ఆవకాయకు ఇంపార్టెన్స్ ఇస్తారని తెలిపారు. అలాగే రవ్వ లడ్డు అంటే పవన్‌కు చాలా ఇష్టమని చెప్పిన సౌజన్య.. ఇంటికొస్తే వాటిని అడిగేందుకు సిగ్గుపడరని, ఆయన ఫ్యామిలీ మెంబర్ లాంటివాడని చెప్పింది.

ఇక సాయి సౌజన్య కెరీర్ విషయానికొస్తే.. స్వతహాగా క్లాసికల్ డ్యాన్సర్ అయిన తను ఈ మధ్యే నిర్మాతగా మారారు. ఫార్చూన్ ఫోర్ సినిమాస్ బ్యానర్‌పై సినిమాలు నిర్మిస్తున్నారు. ఈ క్రమంలోనే సితార ఎంటర్‌టైన్‌మెంట్స్‌తో కలిసి ధనుష్ హీరోగా ‘సార్‌’ చిత్రాన్ని నిర్మించారు. ఈ మూవీ సక్సెస్ కావడంతో ఇదే కాంబినేషన్‌లో యంగ్ హీరో విశ్వక్ సేన్‌తో ఇటీవలే కొత్త సినిమా అనౌన్స్ చేశారు.

మరోవైపు త్రివిక్రమ్.. పవన్ కళ్యాణ్ నటిస్తున్న ‘వినోదయ సిత్తం’ తెలుగు రీమేక్‌కు డైలాగ్స్ అందిస్తున్నారు. గతంలో త్రివిక్రమ్ దర్శకత్వంలో పవన్ ‘జల్సా, అత్తారింటికి దారేది, అజ్ఞాతవాసి’ చిత్రాల్లో నటించారు. ప్రస్తుతం మహేష్ బాబుతో SSMB28 చిత్రాన్ని తెరకెక్కిస్తున్నారు. పూజా హెగ్డే, శ్రీ లీల ఫిమేల్ లీడ్స్‌గా నటిస్తున్నారు.

• Read latest Tollywood updates and Telugu News