Pawan Kalyan Shoes Price: పవన్ కళ్యాణ్ వాచ్ 14 లక్షలు.. షూ ఖరీదు రూ.10 లక్షలా.? ట్రోలింగ్‌లో నిజమెంత?

అత్తారింటి దారేది సినిమాలో పవన్ కళ్యాణ్‌ని ఉద్దేశించి సమంత ఓడైలాగ్ అంటుంది.. ‘వాడి వాచ్ అమ్మితే నీ బ్యాచ్ మొత్తం సెటిల్ అయిపోతుంది’ అని పవర్ స్టార్ రేంజ్. రీల్ లైఫ్‌లోనే కాదు.. రియల్ లైఫ్‌లోనూ పవన్ కళ్యాణ్ వెరీ లగ్జరీ అనే ట్రోలింగ్ నడుస్తుంది. పొలిటికల్ మీటింగ్‌లలో పవన్ కళ్యాణ్ నేత వస్త్రాలు ధరించి.. లబ్బరు చెప్పులు వేసుకుని.. మట్టిపిడతల్లో పెరుగు అన్నం తింటూ చాలా సింపుల్‌గా కనిపిస్తారే.. మరి ఈ లగ్జరీ లైఫ్ ఏంటి? అంటే.. అదే మరి పాలి‘ట్రిక్స్’ అంటూ జనసేన అధినేత పవన్ కళ్యాణ్‌పై ట్రోల్ చేస్తున్నారు.

పవన్ కళ్యాణ్‌ని అభిమానించేవాళ్లు ఎంతమంది ఉంటారో.. ఆయన్ని పొలిటికల్‌గా ద్వేషించేవాళ్లు అంతే అంతేమంది ఉంటారు.. రాజకీయాల్లోకి వచ్చిన తరువాత పవన్ కళ్యాణ్‌కి ఈ ట్రోలింగ్ మరీ ఎక్కువైపోయింది. అయితే తాజాగా ఆయన రెడ్ టీ షర్ట్‌లో దిగిన ఫొటోలు సోషల్ మీడియాలో వైరల్ అవుతుండగా.. అందులో పవన్ కళ్యాణ్ చేతికి వాచ్ ఉంది.. అలాగే ఎదురుగా షూ కూడా ఉంది.


దీంతో ఆ వాచ్ ఖరీదు ఎంత? ఆయన వేసుకున్న షూ ఖరీదు ఎంత అంటూ వెతుకులాట మొదలుపెట్టారు. ఆ పోస్టర్‌లో కనిపించే వాచ్ ఖరీదు (panerai watch pamela price) దాదాపు 14, 37,000గా ఉంది. అంటే అక్షరాలా 14 లక్షల 37 వేలు. ఇక షూస్ ధర అయితే 10 లక్షలు అని ట్రోల్ చేస్తున్నారు. అసలు విషయం ఏంటంటే.. దీని ధర 119,94‌గా ఉంది. వాటిని ఇండియన్ కరెన్సీలో చూస్తే పది లక్షలు అవుతుంది. అయితే డచ్ లాంగ్వేజ్ ప్రకారం ఫుల్ స్టాప్‌ను కామాగా రాస్తుంటారు.. నిజానికి ఆ షూ ధర దాదాపు 119 యూరోస్. ఆ లెక్కన చూస్తే పవన్ కళ్యాణ్ వేసుకున్న షూ ధర రూ.9,600 మాత్రమే కానీ.. పది లక్షలు అంటూ ట్రోల్ చేస్తున్నాయి.

అయితే కొంతమంది పవన్ కళ్యాణ్ ఫ్యాన్స్ అత్యుత్సాహంతో మా హీరో వేసుకున్న షూ ఎంతో తెలుసా? పది లక్షలు అని గర్వంగా చెప్తుంటే.. మీ హీరో ఈఎంఐలు కట్టలేక కార్లు అమ్మేశానని అంటాడు.. లబ్బలు చెప్పులు అంటాడు.. మట్టిపిడతల్లో మజ్జిగ అన్నం అంటాడు.. అలాంటోడు ఇన్ని లక్షలు షూ ఏంటి మరి అని కౌంటర్లు వేస్తుంటే.. దానికి రీ కౌంటర్లు కూడా పడుతున్నాయి. మా హీరో ఒక్క సినిమా చేస్తే దాదాపు రూ.20 కోట్లు తక్కువ కాకుండా తీసుకుంటారు.. ఇప్పటి వరకూ ఎన్ని సినిమాలు చేశారు.. ఎన్ని కోట్లు సంపాదించి ఉంటారు... సిగ్గులేకుండా డబ్బులెక్కడ నుంచి వచ్చాయని అంటారేంట్రా? అని పవన్ ఫ్యాన్స్ సీరియస్ అవుతున్నారు.