‘అజ్ఞాతవాసి’ 5 ఆటలు.. తెలంగాణ ప్రభుత్వం గ్రీన్ సిగ్నల్

పవర్ స్టార్ పవన్ కళ్యాణ్ అభిమానులకు ఊరటనిచ్చే నిర్ణయాన్ని తీసుకుంది తెలంగాణ ప్రభుత్వం. రేపు(బుధవారం) విడుదల కానున్న ‘అజ్ఞాతవాసి’ మూవీకి ఐదు ఆటలు ప్రదర్శించుకోవచ్చంటూ అధికారిక ఉత్తర్వులను జారీ చేసింది. కాగా ఈరోజు అర్ధరాత్రి ఆటకు శాంతి భద్రతల దృష్ట్యా.. అనుమతిని నిరాకరిస్తూ రెగ్యులర్‌గా వేసే 4 రోజులతో పాటు అదనంగా ఒక షోను వేయవచ్చని, అది కూడా ఉదయం 8 గంటలకు వేయాలని అనుమతులిచ్చారు. ఈ స్పెషల్ షోలు జనవరి 10 నుండి 17 వరకూ ఉంటాయని ప్రకటనలో తెలియజేశారు. కాగా ఏపీలో ఈరోజు అర్ధరాత్రి ప్రీమియర్ షోలకు అనుమతి ఇచ్చిన విషయం తెలిసిందే.

‘అజ్ఞాతవాసి’ చిత్రంలో కీర్తి సురేష్, అను ఇమ్మాన్యుయేల్ హీరోయిన్లుగా నటిస్తున్నారు. ఈ సినిమాకు తమిళ సంగీత సంచలనం అనిరుధ్ మ్యూజిక్ అందిస్తున్నారు. ఆయనకు ఇదే తొలి తెలుగు చిత్రం కాగా.. హారిక అండ్ హాసిని క్రియేషన్స్ బ్యానర్‌పై భారీ బడ్జెట్‌తో నిర్మాత రాధాక్రిష్ణ ఈ చిత్రాన్ని నిర్మించారు.