ట్యూబ్‌లైట్ మేకింగ్ వీడియో

సల్మాన్ ఖాన్ లేటెస్ట్ మూవీ ట్యూబ్‌లైట్ ఈ ఈద్ కానుకగా రిలీజ్‌కి రెడీ అవుతున్న నేపథ్యంలో తాజాగా సల్మాన్ ఖాన్, ఆ చిత్ర దర్శకుడు కబీర్ ఖాన్ ట్యూబ్‌లైట్ మేకింగ్ వీడియో విడుదల చేశారు. అంతేకాకుండా తాము ఆ చిత్రానికి ట్యూబ్‌లైట్ అనే పేరు ఎందుకు పెట్టాల్సి వచ్చిందో కూడా వివరించారు. ట్యూబ్‌లైట్ చాలా నెమ్మదిగా వెలుగుతుంది. కానీ ఒకసారి వెలిగాకా చుట్టుపక్కల మంచి కాంతినిస్తుంది. అలాగే ఎవరైతే ఒక విషయాన్ని నెమ్మదిగా అర్థం చేసుకుంటారో, అంతే నెమ్మదిగా తిరిగి సమాధానం ఇస్తారో, పనిలో ఆలస్యమైనా పర్‌ఫెక్షన్ చూపుతారో, ఒక జోక్‌ని ఆలస్యంగా అర్థం చేసుకుని నవ్వుతారో అతడినే ట్యూబ్‌లైట్ అని పోలుస్తూ ఈ చిత్రానికి టైటిల్ పెట్టినట్టుగా యూనిట్ వివరించింది.
Der se jalta hai… Magar jab jalta hai tab full light kar deta hai! 🙋‍♂️#MeetLaxmanSinghBisht - https://t.co/LjMLQU8mQe@BeingSalmanKhan— Tubelight (@TubelightKiEid) June 13, 2017
ట్యూబ్‌లైట్ సినిమాలో సల్మాన్ ఖాన్ ప్రతిభ గురించి మాట్లాడుతూ.. సల్లూ భాయ్‌ని ప్రశంసించకుండా వుండలేకపోయాడు డైరెక్టర్ కబీర్ ఖాన్. ఈ సినిమాతో సల్మాన్ తన పర్‌ఫార్మెన్స్ పరంగా మరో ఐదడుగులు ముందేశాడనిపించింది. సెంటిమెంట్ సన్నివేశాల్లో ఏ గ్లిజరిన్ సహాయం లేకుండానే సహజంగానే ఏడిచేశాడు సల్మాన్ అంటూ ట్యూబ్ లైట్ షూటింగ్ రోజులని గుర్తు చేసుకున్నాడు కబీర్ ఖాన్.