టీవీ నటి నాగఝాన్సీ ఆత్మహత్యకు ప్రియుడు సూర్యతేజ వేధింపులే కారణమని పోలీసులు విచారణలో తేలింది. ఆమె ఎవరితోనైనా చనువుగా మాట్లాడినా కన్నేర్రజేయడం, అనుమానించడమే కాదు, నటనకు కూడా దూరంగా ఉండాలని ఆంక్షలు విధించాడని, మరొకర్ని పెళ్లిచేసుకోడానికి సిద్ధపడం వంటి పరిణామాలతో తీవ్రంగా కలత చెందిన ఝాన్సీ ఆత్మహత్యకు పాల్పడిందని పోలీసులు వెల్లడించారు. విజయవాడకు చెందిన సూర్యతేజ స్థానికంగా మొబైల్ షాప్ నిర్వహిస్తుంటాడు. గతేడాది ఏప్రిల్‌లో స్నేహితుల ద్వారా నాగఝాన్సీకి సూర్య పరిచయమయ్యాడని, తక్కువ కాలంలోనే వారి పరిచయం ప్రేమగా మారిందని తెలిపారు. దీంతో అతడినే పెళ్లి చేసుకోవాలని నిర్ణయించుకున్న ఝాన్సీ, ఈ విషయాన్ని తన తల్లికి జులైలో తెలియజేసిందన్నారు. దీనికి ఆమె కూడా ఒప్పుకోవడంతో ఇద్దరూ సన్నిహితంగా మెలిగేవారని, ఆగస్టులో సూర్యతేజ ఇంటికెళ్లిన నాగఝాన్సీ వారం రోజులు అక్కడే ఉందని అన్నారు.
ఈ పరిణామాలను తట్టుకోలేకపోయిన ఝాన్సీ, ఆత్మహత్యకు ముందు ఐదు రోజులపాటు ఇంట్లో ఒంటరిగా గడిపిందని వివరించారు. వీటి గురించే ఆలోచిస్తూ మానసిక ఒత్తిడికి లోనైన సమయంలోనే సూర్యతేజ మరొకరితో పెళ్లిచూపులకు సిద్ధమవుతున్నాడని తెలుసుకుని మరింత కుంగిపోయి, ఫిబ్రవరి 5న ఇంట్లో ఎవరూ లేని సమయంలో ఆత్మహత్య చేసుకుందని పోలీసులు వెల్లడించారు. ప్రేమిస్తున్నట్లు నటించి నమ్మక ద్రోహం చేయడం, అన్నింటినీ మించి అతడి కారణంగా తనకు ఎంతో ఇష్టమైన నటనకు దూరంకావడంతో లాంటి పరిణామాలు ఝాన్సీ ఆత్మహత్య వైపు పురిగొల్పాయని పోలీసులు తెలిపారు. నిందితుడిపై పలు సెక్షన్ల కింద కేసులు నమోదు చేసి, రిమాండ్‌కు తరలించామని తెలియజేశారు.
ఈ పరిణామాలను తట్టుకోలేకపోయిన ఝాన్సీ, ఆత్మహత్యకు ముందు ఐదు రోజులపాటు ఇంట్లో ఒంటరిగా గడిపిందని వివరించారు. వీటి గురించే ఆలోచిస్తూ మానసిక ఒత్తిడికి లోనైన సమయంలోనే సూర్యతేజ మరొకరితో పెళ్లిచూపులకు సిద్ధమవుతున్నాడని తెలుసుకుని మరింత కుంగిపోయి, ఫిబ్రవరి 5న ఇంట్లో ఎవరూ లేని సమయంలో ఆత్మహత్య చేసుకుందని పోలీసులు వెల్లడించారు. ప్రేమిస్తున్నట్లు నటించి నమ్మక ద్రోహం చేయడం, అన్నింటినీ మించి అతడి కారణంగా తనకు ఎంతో ఇష్టమైన నటనకు దూరంకావడంతో లాంటి పరిణామాలు ఝాన్సీ ఆత్మహత్య వైపు పురిగొల్పాయని పోలీసులు తెలిపారు. నిందితుడిపై పలు సెక్షన్ల కింద కేసులు నమోదు చేసి, రిమాండ్‌కు తరలించామని తెలియజేశారు.