సూర్య హైట్‌పై యాంకర్ వివాదాస్పద వ్యాఖ్యలు

ఓ తమిళ మ్యూజిక్ చానెల్ యాంకర్లు అత్యుత్సాహంతో హీరో సూర్యపై చేసిన వివాదస్పద వ్యాఖ్యలు తమిళనాడులో దుమారం రేపుతున్నాయి. వెంటనే ఆ చానెల్ యాజమాన్యం క్షమాపణలు చెప్పాలంటూ సూర్య అభిమానులు ఆ చానెల్ కార్యాలయం ముందు ఆందోళన చేస్తున్నారు. యాంకర్లు చేసిన వ్యాఖ్యలపై హీరో విశాల్ కూడా తీవ్రంగా స్పందించాడు.

సన్ మ్యూజిక్‌ యాంకర్లు సంగీత, నివేదితా లైవ్ కార్యక్రమంలో హీరో సూర్య త్వరలో చేయనున్న సినిమా విశేషాలు చెబుతూ ఆయన హైట్ మీద కామెంట్స్ చేశారు. సూర్య తర్వాతి చిత్రంలో బాలీవుడ్ సీనియర్ నటుడు అమితాబ్ బచ్చన్ నటిస్తున్నాడని చెప్పారు. అంతటితో ఆగకుండా.. ‘సింగం’ సినిమాలో అనుష్కతో నటించేందుకు హీల్స్ వేసుకున్న సూర్య, అమితాబ్‌తో నటించాలంటే స్టూల్ వేసుకోవల్సిందేనని వ్యాఖ్యానించారు.

దీనిపై విశాల్ స్పందిస్తూ.. ‘‘ఇది హాస్యమా? ఖచ్చితంగా కాదు. నవ్వించాలనే ప్రయత్నంలో ఎంతగా దిగజారిపోతున్నారు? కనీస విచక్షణ కూడా ఉండటం లేదు’’ అని ట్వీట్ చేశాడు. అయితే, సూర్య తాజా చిత్రం ‘గ్యాంగ్’లో తన హైట్ గురించి ఓ డైలాగ్ చెప్పాడు. ప్రతి నాయకుడితో మాట్లాడుతూ.. ‘‘ఎంత ఎత్తు ఎదిగామా అనేది ముఖ్యం కాదు. ఎంత ఎత్తుకు ఎదిగాం అన్నదే ముఖ్యం’’ అని చెబుతాడు. అయితే, యాంకర్లు చేసిన కామెంట్స్‌పై సూర్య ఇంకా స్పందించలేదు.
యాంకర్ల కామెంట్స్ ట్వీట్ కోసం ఇక్కడ క్లిక్ చేయండి (యాప్ యూజర్స్ మాత్రమే)
Funny !! ???? Absolutely not. How unethical in the name of sense of humour. Totally senseless. pic.twitter.com/0e4netQd6s — Vishal (@VishalKOfficial) January 18, 2018