బుల్లితెర నటుడు ప్రదీప్ ఆత్మహత్య

ప్రముఖ టీవీ సీరియల్ నటుడు ప్రదీప్ కుమార్ బలవన్మరణానికి పాల్పడ్డారు. బుధవారం ఉదయం హైదరాబాద్‌లోని పుప్పలగూడ పరిధి ఆల్కాపురి కాలనీలో ఉన్న తన ఇంట్లో ఉరివేసుకుని ఆత్మహత్య చేసుకున్నారు. ప్రదీప్ ఇటీవలే బుల్లితెర నటి పావని రెడ్డిని పెళ్లి చేసుకున్నారు. పోలీసులు కేసు నమోదు చేసుకుని దర్యాప్తు చేస్తున్నారు.

పోలీసుల ప్రాథమిక సమాచారం ఆధారంగా.. కుటుంబ కలహాల కారణంగానే ప్రదీప్ ఆత్మహత్య చేసుకున్నట్లు తెలుస్తోంది. తన భార్యతో విభేదాల వల్లే ప్రదీప్ ఆత్మహత్య చేసుకుని ఉండొచ్చని అనుమానిస్తున్నారు. ఇప్పటికే పలు సీరియళ్లలో నటించిన ప్రదీప్ ప్రస్తుతం ‘సప్త మాత్రిక’ సీరియల్‌లో నటిస్తున్నారు. ఇక ప్రదీప్ భార్య పావని రెడ్డి ‘అగ్నిపూలు’ సీరియల్‌లో ప్రధాన పాత్ర పోషిస్తున్నారు.