సీఎం సార్.. ఉగాది గెటప్ అదిరిందిగా!!

టాలీవుడ్ సూపర్ స్టార్ మహేష్ బాబు ఉగాది సందర్భంగా ఫ్యాన్స్‌కి అదిరిపోయే గిఫ్ట్ ఇచ్చాడు. హిందూ సాంప్రదాయం ఉట్టిపడేలా పంచెకట్టి గుడికి వెళ్లిన సీఎం సార్‌ని చూసి.. భక్తులు దండాలు పెడుతుంటే వెనుకన గన్‌మేన్‌లు, సెక్యురిటీతో ముఖ్యమంత్రి భరత్ రామ్.. హంగామా మామూలుగా లేదు. ఈ లేటస్ట్ పోస్టర్‌ను ప్రిన్స్ మహేష్ బాబు ట్విట్టర్ ద్వారా విడుదల చేస్తూ.. అభిమానులకు ఉగాది శుభాకాంక్షలను తెలియజేశారు. ఇప్పటికే ‘We Are Living In A Society.... ప్రతి ఒక్కళ్ళకీ భయం, భాద్యత ఉండాలి’ అంటూ ‘భరత్ అనే నేను’ టీజర్‌‌తో అంచనాలు పెంచేసిన మహేష్.. తాజా పోస్టర్‌తో ఆ అంచనాలను రెట్టింపు చేశారు.

సూపర్ స్టార్ మహేష్ బాబు-కొరటాల శివ కాంబినేషన్‌లో శ్రీమంతుడు తరువాత వస్తున్నఈ మూవీలో మహేష్ సరసన కైరా అద్వాని హీరోయిన్‌గా నటిస్తోంది. ఈమూవీకి దేవీ శ్రీ ప్రసాద్‌ సంగీతం అందిస్తుండగా డీవీవీ ఎంటర్‌టైన్మెంట్స్‌ బ్యానర్‌పై డీవీవీ దానయ్య నిర్మిస్తున్నారు. భారీ అంచనాలతో ‘భరత్ అనే నేను’ ఏప్రిల్ 20న ప్రేక్షకుల ముందుకు రానుంది.

Happy Ugadi everyone :) pic.twitter.com/bFbGrRVWUh — Mahesh Babu (@urstrulyMahesh) March 18, 2018