వైరల్ అవుతున్న చైతూ-సామ్ వెడ్డింగ్ ఫోటో

చైతూ-సమంత పెళ్లి నిజంగానే ఎంతో అందంగా, సినిమాటిక్‌గా అనిపించింది. ఈ పెళ్లి వేడుకలో ప్రతీ క్షణం ఓ మధురమైన క్షణమే అనుకునేలా అక్కినేని, దగ్గుబాటి కుటుంబాలతోపాటు చైతూ, సామ్ సన్నిహితమిత్రులు, సినీ ప్రముఖులు సందడి చేశారు. చైతూ, సామ్, నాగ్, అఖిల్ ఇలా ఒక్కొక్కరు ఒక్కో రకమైన సందర్భాన్ని అభిమానులతో షేర్ చేసుకుంటూ పలు ఫోటోలని సోషల్ మీడియాలో పోస్ట్ చేశారు.

దీంతో అక్కినేని వారింట జరిగిన ఈ పెళ్లికి సంబంధించినంత వరకు చాలా ఫోటోలు ఇంటర్నెట్‌లో ఇప్పటికే సుపరిచితమయ్యాయి. కానీ చూడటానికి ఎంతో ప్రత్యేకంగా కనిపిస్తోన్న ఒక్క ఫోటో మాత్రం తాజాగా ఇంటర్నెట్‌లో ట్రెండ్ అవుతోంది. చైతూ, సామ్ ఇరుకుటుంబాల పెద్దలు కలిసి తీసుకున్న ఈ ఫోటో ఇప్పుడు సోషల్ మీడియా సంచలనం. ఇంకెందుకు ఆలస్యం.. మీరు కూడా ఓ లుక్కేయండి మరి!!