Super Star Krishna నల్ల కళ్లద్దాల వెనుక అసలు స్టోరీ ఇదే.. విజయ నిర్మల ప్లాన్ చేసి మరీ!

సూపర్ స్టార్ కృష్ణ (Super Star Krishna) ఎప్పుడు పబ్లిక్‌లోకి వచ్చినా స్టయిల్‌గా కూలింగ్ గ్లాస్‌లో కనిపించేవారు. అలా కృష్ణ కూలింగ్ గ్లాస్‌లు ధరించడానికి ఓ కారణం ఉందట. ఆ విషయాన్ని విజయ నిర్మల (Vijaya Nirmala) గతంలో ఓ ఇంటర్వ్యూలో స్వయంగా వెల్లడించారు. 1969లో విజయ నిర్మలని కృష్ణ రెండో వివాహం చేసుకోగా.. అప్పటి నుంచి కృష్ణ ఎక్కడ కనిపించినా అతని వెంట విజయ నిర్మల ఉండేవారు. దానికి గల కారణాన్ని కూడా ఆమె వెల్లడించారు. 2019, జూన్‌లో విజయ నిర్మల చనిపోగా.. గత మంగళవారం కృష్ణ కూడా ఆసుపత్రిలో చికిత్స పొందుతూ తుది శ్వాస విడిచిన విషయం తెలిసిందే. కృష్ణ గురించి గతంలో ఓ ఇంటర్వ్యూలో విజయ నిర్మల మాట్లాడుతూ ‘‘కృష్ణని పెళ్లి చేసుకున్న తర్వాత అతడ్ని కాపాడుకోవడానికి చాలా తిప్పలు పడాల్సి వచ్చింది. ఎక్కడైనా ఆడవాళ్లు కనిపించారంటే కృష్ణకి ఫస్ట్ కూలింగ్ గ్లాస్‌లు వేసేస్తాను. దానికి కారణం ఏంటంటే? ఎవరైనా ఆడవాళ్లు కళ్లలోకి చూస్తే కృష్ణ చాలా ఇబ్బందిగా ఫీలవుతారు. వారి కళ్లలోకి సూటిగా చూడలేరు. అందుకే అలా కూలింగ్ గ్లాస్‌లు పెట్టేదాన్ని’’ అని వెల్లడించారు.

చెన్నైలో 8వ శతాబ్దంలో నిర్మించిన మీసాల కృష్ణుడి దేవాలయంలో ఓ పాట షూటింగ్ పూర్తి చేసుకుని కృష్ణ, విజయ నిర్మల బయటికి వచ్చారట. అప్పుడు అక్కడే ఉన్న కమెడీయన్ రాజ బాబు ‘‘ఇది చాలా పవర్‌ఫుల్‌ గుడి. ఇక్కడ షూటింగ్‌ పెళ్లి చేసుకున్నవాళ్లంతా నిజంగా పెళ్లి చేసుకున్నారు’’ అని జోస్యం చెప్పాడట. చివరికి తమ విషయంలోనూ ఆ జోస్యం నిజమైందని విజయ నిర్మల ఆ ఇంటర్వ్యూలో గుర్తు చేసుకున్నారు.

Read Latest Telugu Movies , Telugu News , Super Star Krishna Updates

Read Also: కృష్ణ పాడె మోసిన మురళీ మోహన్.. ఇద్దరి మధ్య స్నేహం అలాంటిదిRead More: కృష్ణని కడసారి చూసేందుకు వచ్చిన జూనియర్ కృష్ణ