ఉపేంద్ర ఆటోబయోగ్రఫీ బుక్ పేరేంటో తెలుసా ?

సినిమా స్టోరీల ఎంపికలో, నటనలో, నలుగురి మధ్య మాట్లాడే తీరులో వైవిధ్యం ప్రదర్శించే కన్నడ స్టార్ హీరో ఉపేంద్ర తన ఆటోబయోగ్రఫీకి పెట్టుకున్న పేరు 'ఇదన్న ఒడ్బెడి'. ఈ టైటిల్‌కి అర్థం ఏంటో తెలుసా ? ఇది చదవొద్దు! అవును, మీరు చదివింది నిజమే! ఇది చదవొద్దు అనేదే ఇదన్న ఒడ్బెడి అనే టైటిల్‌కి ఇంచుమించు తెలుగు అర్థం. త్వరలోనే విడుదల కానున్న ఈ ఆటోబయోగ్రఫీలో తన వ్యక్తిగత, సినీ జీవితానికి సంబంధించిన అనేక విశేషాలని పొందుపర్చారట ఉపేంద్ర. మొత్తం 144 పేజీలు కలిగిన ఈ పుస్తకంలో మొదటి పది పేజీలు ఉపేంద్ర అభిమానులకి మళ్లీ మళ్లీ చదవాలనిపించేలా వుంటాయని తెలుస్తోంది.

కర్ణాటక ప్రజ్ఞవంత జనత పక్ష అనే పేరుతో ఇటీవలే ఓ రాజకీయ పార్టీ స్థాపించిన ఉపేంద్ర ఇదివరకే రెండు పుస్తకాలు రాశారు. అందులో ఒక పుస్తకం పేరు నమ్మ ఉప్పి-హత్తిరదవరు, కాగా రెండో పుస్తకం పేరు ఉప్పిగింత రుచి బెరె ఇల్ల. అంటే ఉప్ప ఉన్నంత రుచిగా మరేది ఉండదనే అర్థం వస్తుంది. మాటల్లో వైవిధ్యం చూపించే ఉపేంద్ర తన పుస్తకాల పేర్లలోనూ అంతే చమత్కారాన్ని చూపించుకుంటున్నారు.