దసరా విషెస్ చెప్పిన ఉపాసన.. ఫ్యాన్స్ ప్రశ్నకు బదులేది?

మెగా పవర్ స్టార్ రామ్ చరణ్ భార్య ఉపాసన కొణిదెల ట్విట్టర్ ద్వారా దసరా శుభాకాంక్షలు తెలిపింది. చెర్రీకి సంబంధించి లేటెస్ట్ అప్‌‌డేట్స్‌ను ఆమె ఫ్యాన్స్‌తో పంచుకుంటుందనే సంగతి తెలిసిందే. సేవా సమాజ్ బాలికా నిలయంలో బుధవారం సాయంత్రం బతుకమ్మ పండుగను సెలబ్రేట్ చేసుకున్నామని ఉపాసన చెప్పింది. చెర్రీ, తాను చిన్నారులతో కలిసి దిగిన ఫొటో, వీడియోను ట్వీట్ చేసింది.

ఉపాసన ట్వీట్‌కు మెగా ఫ్యాన్స్ తమదైన శైలిలో బదులిచ్చారు. చెర్రీ దంపతులకు దసరా శుభాకాంక్షలు చెబుతూనే.. తమకు రామ్ చరణ్ 12వ చిత్రం ఫస్ట్ లుక్, సినిమా టైటిల్ కావాలని డిమాండ్ చేస్తూ ట్వీట్లు పెట్టారు. బోయపాటి దర్శకత్వంలో ఆర్‌సీ12 తెరకెక్కుతున్న సంగతి తెలిసిందే. రంగస్థలం తర్వాత చరణ్ చేస్తున్న ఈ చిత్రంపై భారీ అంచనాలున్నాయి. దీంతో ఈ సినిమా అప్‌డేట్స్ కోసం మెగా ఫ్యాన్స్ ఆసక్తిగా ఎదురు చూస్తున్నారు.