Prathi Roju Pandage: `థాంక్యూ డార్లింగ్‌.. నీ లాంటి ఫ్రెండ్‌ ఉంటే ప్రతిరోజూ పండగే`

ఇటీవల ప్రతిరోజూ పండగే సినిమాతో మరో సూపర్‌ హిట్‌ను తన ఖాతాలో వేసుకున్న దర్శకుడు మారుతి దాసరి. సాయి ధరమ్‌ తేజ్‌ హీరోగా తెరకెక్కిన ఈ సినిమా ఘనవిజయం సాధించటంతో చిత్రయూనిట్‌ ఫుల్‌ జోష్‌లో ఉన్నారు. మరణానికి చేరువైన ఓ కుటుంబ పెద్ద తన కొడుకులు, కోడళ్లు, మనవల్లతో సమయం గడపాలనుకోవటం అనే పాయింట్‌ను ఎంటర్‌టైనింగ్‌గా తెరకెక్కించిన మారుతి సక్సెస్‌ అయ్యాడు.

డిసెంబర్‌ 20న ప్రేక్షకుల ముందుకు వచ్చిన ఈ సినిమాకు ముందు డివైడ్‌ టాక్‌ వచ్చినా తరువాత మౌత్‌ పబ్లిసిటీతో మంచి వసూళ్లు సాధించింది. ముఖ్యంగా రావూ రమేష్‌ కామెడీ, సాయి ధరమ్‌ తేజ్‌, రాశీ ఖన్నాల సీన్స్‌ బాగా వర్క్‌ అవుట్‌ కావటంతో థియేటర్లలో సందడి వాతావరణం కనిపిస్తుంది. ఈ సినిమా తరువాత భారీ సినిమాలేవి రిలీజ్ కాకపోవటం కూడా ప్రతిరోజూ పండగేకు కలిసొచ్చింది.
Also Read: `సినిమాకు అదే హైలెట్‌.. మహేష్‌ కూడా అందుకే ఈ సినిమా ఒప్పుకున్నారు`

ఈ సినిమా ఇప్పటికే డీసెంట్‌ కలెక్షన్స్ సాధిస్తూ నిర్మాతలకు భారీ లాభాలను తెచ్చిపెడుతోంది. దీంతో ఈ సినిమాకు నిర్మాణ భాగస్వామిగా వ్యహరిస్తున్న యూవీ క్రియేషన్స్‌ వంశీ, దర్శకుడు మారుతికి ఓ కాస్ట్లీ గిఫ్ట్ ఇచ్చారు. లగ్జరీ కారు రేంజ్‌ రోవర్‌ను మారుతికి అందజేశాడు. వంశీ తనకు కారును అందజేస్తున్న ఫోటోను తన సోషల్ మీడియా పేజ్‌లో పేస్ట్ చేసిన మారుతి కృతజ్ఞతలు తెలియజేశాడు.
See Photo Story: హాట్ స్టిల్స్‌తో అదరగొడుతున్న తనీష్ హీరోయిన్

`థ్యాంక్యూ వంశీ డార్లింగ్‌.. నీ లాంటి ఫ్రెండ్‌ ఉంటే ప్రతిరోజూ పండగే` అంటూ ట్వీట్ చేశాడు దర్శకుడు మారుతి. గీతా ఆర్ట్స్ 2, యూవీ క్రియేషన్స్‌ సంయుక్తంగా నిర్మించిన ప్రతిరోజు పండగే సినిమాలో సాయి ధరమ్ తేజ్‌, రాశీఖన్నాలు జంటగా నటించారు. సీనయరు నటుడు సత్యరాజ్‌ తాత పాత్రలో అద్భుతంగా నటించి మెప్పించాడు. ఇతర పాత్రల్లో రావూ రమేష్, విజయ్‌ కుమార్‌, నరేష్‌, ప్రభ, మురళీ శర్మ, అజయ్‌లు నటించారు.
Also Read: `అల వైకుంఠపురములో` మరో ఈవెంట్‌.. గెస్ట్‌గా సూపర్‌ స్టార్‌!