అంతిస్తేనే... అవిక నటిస్తుందట!

దీపం ఉండగానే ఇల్లు చక్కదిద్దుకోవాలి సామెత అవికా గోర్‌కి అతికినట్టు సరిపోతుంది. అందుకే అవకాశాలు క్యూ కడుతున్నప్పుడే రెమ్యునరేషన్ కూడా పెంచేసింది. మొన్నటికి చిన్నారి పెళ్లి కూతురిగా మన్ననలు పొందిన ఈ అమ్మాయి ‘ఉయ్యాలా జంపాలా’తో హీరోయిన్‌గా మారిపోయింది. ఆ సినిమా హిట్ కొట్టడంతో సినిమాలు బాగానే చేతికి వచ్చాయి. అయితే తరవాత వచ్చిన సినిమా చూపిస్తా మావా, లక్ష్మీ రావె మా ఇంటికి సినిమాలు పెద్దగా ఆడలేదు. కొన్ని రోజులు కనిపించకుండా పోయిన అవికా ‘ఎక్కడికి పోతావు చిన్నవాడా’ సినిమాలో అతిధి పాత్రలో కనిపించి అలరించింది.


సినిమా హిట్ కొట్టడంతో ఆ సినిమా హీరో నిఖిల్ రేటు పెంచినట్టే అవికా కూడా రేటు పెంచేసిందట. ఎక్కడికి పోతావు చిన్నవాడా తరువాత అవికకు కూడా బాగానే అవకాశాలు తలుపు తడుతున్నాయట. అవకాశాలు వచ్చినప్పుడు నాలుగు డబ్బులు సంపాదించుకోవాలనుకుని అవికా తన రేటును అమాంతం కోటిన్నర చేసిందన టాక్. ఇంతవరకు ఆమె రూ.60లక్షల లోపే తీసుకునేది. త్వరలో ఓ యంగ్ హీరో సినిమాలో డ్యూయెల్ రోల్ లో కనిపించబోతోంది. ఈమె అడిగినంత ఇవ్వడానికి నిర్మాతలు కూడా రెడీ అయిపోతున్నారట. టైం కలిసొస్తే ఇలాగే ఉంటుంది.