చిరంజీవి సరసన ముగ్గురు హీరోయిన్స్ ?

చిరంజీవి హీరోగా రానున్న 151వ సినిమా ఉయ్యాలవాడ నరసింహా రెడ్డి కోసం ప్రస్తుతం ప్రీ-ప్రొడక్షన్ వర్క్ జరుగుతోంది. లేటెస్ట్ అప్‌డేట్స్ ప్రకారం ఈ సినిమాలో మొత్తం ముగ్గురు హీరోయిన్స్ వుండనున్నారని తెలుస్తోంది. అనుష్క అందులో ఒకరు అని ఇప్పటికే ప్రచారం జరుగుతున్న సంగతి తెలిసిందే. సురేందర్ రెడ్డి డైరెక్ట్ చేస్తున్న ఈ సినిమాకు పరుచూరి బ్రదర్స్ స్క్రిప్ట్ అందిస్తున్నారు.

ప్రముఖ స్వాతంత్ర్య సమరయోధుడు ఉయ్యాలవాడ నరసింహా రెడ్డి యదార్థగాథ ఆధారంగా తెరకెక్కనున్న చిత్రం కావడంతో ఈ సినిమాని తెలుగులోనే కాకుండా తమిళం, హిందీ భాషల్లోనూ విడుదల చేయాలని ప్లాన్ చేస్తున్నారు. చిరు కమ్ బ్యాక్ మూవీ 'ఖైదీ నెంబర్ 150' తర్వాత మెగాపవర్ స్టార్ రామ్ చరణ్ తన సొంత బ్యానర్‌పై నిర్మిస్తున్న రెండో సినిమా ఇది.