Vanitha Vijay Kumar: ఇదొక పాఠం.. మాజీ భర్త మరణంపై వనిత విజయ్ కుమార్ పోస్ట్

సీనియర్ నటులు విజయ్ కుమార్, మంజుల దంపతుల కుమార్తె, నటి వనిత విజయ్ కుమార్ (VanithaVijay Kumar) మాజీ భర్త (Ex Husband) పీటర్ పాల్ (Peter Paul) చనిపోయారు. 2020 జూన్‌లో పీటర్‌‌ను మూడో వివాహం చేసుకుంది వనిత. అస్టిస్టెంట్ డైరెక్టర్‌గా, బిగ్ బాస్ కంటెస్టెంట్‌గా గుర్తింపు పొందిన పీటర్ మద్యానికి బానిస అయ్యాడు. దీంతో ఇద్దరి మధ్య గొడవలు తలెత్తి పెళ్లయిన నాలుగు నెలలకే విడిపోయారు. మద్యం అలవాటుతో ఆయన గతంలో గుండెపోటుకు గురవగా.. ఏడాది నుంచి ఒక ప్రైవేట్ హాస్పిటల్‌లో చికిత్స తీసుకుంటున్నారు. అయితే శనివారం ఆయన మరణించినట్లు తెలుస్తుండగా.. వనిత ఇన్‌స్టాగ్రామ్‌లో ఎమోషనల్ నోట్ (Emotional Note) షేర్ చేసింది.‘ప్రతికూల పరిస్థితుల నుంచి బయటపడేందుకు తమకు తాముగా ప్రయత్నించేవారికి దేవుడుసాయం చేస్తాడని మా అమ్మ చెప్పింది. ఇది ఖచ్చితంగా ప్రతి ఒక్కరూ నేర్చుకోవాల్సిన పాఠం. దిక్కుతోచని స్థితిలో ఉన్నపుడు ఎవరైనా తమ సొంత మార్గాన్ని వెతుక్కుంటారు. మీరు అనుభవించిన గాయంతో పోరాడిన తర్వాత ఇప్పుడు శాంతిని పొందారని అనుకుంటున్నాను. మీరు ఈ లోకం నుంచి వెళ్లిపోవడం నన్ను ఎంతో బాధించింది. చివరకు మీకు శాంతిని ప్రసాదించే చోటుకు వెళ్లిపోయారు. ఎక్కడున్నా సంతోషంగా ఉండండి’ అంటూ ఎమోషనల్‌ నోట్ పోస్ట్ చేసింది వనిత.

వనిత విజయ్‌ కుమార్‌.. పీటర్ పాల్‌ కంటే ముందు టెలివిజన్ యాక్టర్ ఆకాష్‌ను వివాహం చేసుకుంది. వీరికి విజయ్ శ్రీ హరి, జోవిక అనే ఇద్దరు పిల్లలు ఉన్నారు. ఇతనితో విడిపోయాక బిజినెస్ మ్యాన్ ఆనంద్ జే రాజన్‌ను పెళ్లి చేసుకుని కుమార్తె జయనితకు జన్మనిచ్చింది. అయితే అతనితోనూ తెగదెంపులు చేసుకున్న వనితకు పీటర్‌తో మూడో పెళ్లి జరిగింది. కానీ ఇద్దరి మధ్య తలెత్తిన గొడవలో పీటర్ తనతో అసభ్యంగా ప్రవర్తించడంతో ఇద్దరూ గోవాలో గొడవ పడ్డారు. పైగా అతను తన మొదటి భార్యకు విడాకులు ఇవ్వలేదని తెలియడంతో వివాహమైన కొన్ని నెలలకే విడిపోయారు.

విడిపోయిన సందర్భంలో వనిత షేర్ చేసిన వీడియోలో.. పీటర్ గుండెపోటుకు గురయ్యాడని, మద్యం అలవాటు కారణంగా రెండుసార్లు ఆస్పత్రి పాలయ్యాడని కూడా ఆమె వెల్లడించింది. అతన్ని ఎంత బాగా చూసుకున్నప్పటికీ.. తన కంటే మద్యాన్ని ఎక్కువగా ప్రేమించాడని సదరు వీడియోలో పేర్కొన్న విషయం తెలిసిందే.

• Read latest Tollywood updates and Telugu News