Premi Viswanath: సినిమాల్లోకి వంటలక్క.. అధికారిక ప్రకటన వచ్చేసింది.. హీరో ఎవరంటే!

బుల్లితెర రాణిగా పేరు తెచ్చుకున్న వంటల‌క్క (Vantalakka) అలియాస్ ప్రేమీ విశ్వ‌నాథ్ (Premi Viswanath) త్వ‌ర‌లోనే సిల్వ‌ర్ స్క్రీన్‌పై సంద‌డి చేయ‌నుంది. ఈ వార్తను చాలా రోజుల నుంచి మ‌నం వింటూనే వ‌చ్చాం. కానీ ఇప్పుడు దీనికి సంబంధించిన అధికారిక ప్ర‌క‌ట‌న వ‌చ్చేసింది. వివ‌రాల్లోకి వెళితే.. నాగ చైత‌న్య (Naga Chaitanya) హీరోగా త‌మిళ ద‌ర్శ‌కుడు వెంక‌ట్ ప్ర‌భు (Venkat Prabhu) ద‌ర్శ‌క‌త్వంలో ఓ సినిమా రూపొందుతోన్న సంగ‌తి తెలిసిందే. NC 22గా తెర‌కెక్కుతోన్న ఈ చిత్రం షూటింగ్ జ‌రుగుతుంది. తాజాగా ఈ సినిమాకు సంబంధించి న‌టీన‌టుల వివ‌రాల‌ను మేక‌ర్స్ అధికారికంగా ప్ర‌క‌టించారు. వారిలో వంట‌ల‌క్క అలియాస్ ప్రేమీ విశ్వ‌నాథ్ పేరుని కూడా అనౌన్స్ చేయటం కొస మెరుపు.

మ‌రి నాగ చైత‌న్య సినిమాలో ప్రేమీ విశ్వ‌నాథ్ ఎలాంటి రోల్ చేస్తుంద‌నేది అంద‌రిలోనూ ఆస‌క్తి రేపుతోన్న అంశ‌మే. మ‌రి ఆమె అంత బిజీలోనూ సినిమాకు డేట్స్ ఎలా అడ్జ‌స్ట్ చేసింది. ఎంత రెమ్యున‌రేష‌న్ తీసుకుంటుంది అనే విష‌యాలు ఇప్పుడు నెట్టింట వైర‌ల్ అవుతున్నాయి. ఇంత‌కు ముందు ఇదే బ్యాన‌ర్‌లో రూపొందిన వారియ‌ర్ (The Warriorr) సినిమాలో ఆమె న‌టిస్తుంద‌నే వార్త‌లు వ‌చ్చిన అవి అవాస్త‌వాల‌ని తేలిపోయాయి. ఇప్పుడు NC 22 ప్రేమీ విశ్వ‌నాథ్ న‌టించ‌డం క‌న్‌ఫ‌ర్మ్ అయ్యింది. దీంతో పాటు బాల‌కృష్ణ (Nandamuri Balakrishna) లేటెస్ట్ మూవీ NBK 107లోనూ ఆమె న‌టిస్తుంద‌నే వార్త‌లు హ‌ల్ చ‌ల్ చేస్తున్నాయి.

NC 22 చిత్రాన్ని శ్రీనివాసా సిల్వ‌ర్ స్క్రీన్స్ బ్యాన‌ర్‌పై శ్రీనివాస చిట్టూరి నిర్మిస్తున్నారు. కృతి శెట్టి (Krithi Shetty) హీరోయిన్‌గా న‌టిస్తోన్న ఈ చిత్రంలో ప్రియ‌మ‌ణి (Priyamani) కీల‌క పాత్ర‌లో న‌టిస్తుంది. అలాగే సీనియ‌ర్ న‌టుడు శ‌ర‌త్ కుమార్ (Sarath Kumar) స‌హా ప్రేమీ విశ్వ‌నాథ్‌ (Premi Viswanath), ప్రేమ్ జీ, సంప‌త్‌, వెన్నెల కిషోర్ త‌దిత‌రులు కీల‌క పాత్ర‌ల్లో న‌టిస్తున్నారు.