వరుణ్ తేజ్.. ‘మిస్టర్’ న్యూ ఇయర్ టీజర్

శ్రీనువైట్ల దర్శకత్వంలో వరుణ్ తేజ్ హీరోగా తెరకెక్కుతున్న చిత్రం ‘మిస్టర్’. లావణ్య త్రిపాఠి, హెబ్బా పాటెల్‌లు ఇందులో హీరోయిన్లు. చాలా రోజుల బ్రేక్ తర్వాత శ్రీను వైట్ల తీస్తున్న ప్రేమ కథా చిత్రమిది. దీంతో, అంచనాలు భారీగానే ఉన్నాయి. తాజాగా విడుదలైన టీజర్ చూస్తే ఆ అంచనాలు మరింత పెరిగే అవకాశం ఉంది. చక్కని లోకేషన్లలో.. సింపుల్ డైలాగులతో చాలా రిచ్‌గా ఈ ట్రైలర్ ఉంది. లక్ష్మీ నరసింహ ప్రొడక్షన్స్ బ్యానర్‌పై నల్లమలపు శ్రీనివాస్ నిర్మిస్తున్న ఈ సినిమాకు మిక్కీ జే మెయర్ సంగీతం సమకూర్చారు. నూతన సంవత్సరం పురస్కరించుకుని చిత్రం యూనిట్ శనివారం తాజాగా ఈ టీజర్‌ను విడుదల చేశారు.

‘‘మనం ప్రేమను వెతుక్కుంటూ వెళితే.. ప్రేమే మనల్ని వెతుక్కుంటూ వస్తుంది’’ అంటూ పిచ్చయ్య నాయుడు చెప్పే మాటలు గుండెలను హత్తుకుంటాయి. ఇంతకీ ఆ పిచ్చయ్య నాయుడు ఎవరనా మీ డౌటు. అయితే, ఈ ట్రైలర్ చూసేయండి మరి...