Valmiki Movie Controversy: ‘వాల్మీకి’ చిత్రానికి తొలి దెబ్బ.. కలెక్టర్ ఆదేశాలతో నిలిపివేత

మెగా హీరో వరుణ్ తేజ్ ‘వాల్మీకి’ చిత్రం భారీ అంచనాల నడుపు రేపు (సెప్టెంబర్ 20) ప్రేక్షకుల ముందుకు రానుంది. గబ్బర్ సింగ్ దర్శకుడు హరీష్ శంకర్ దర్శకత్వం వహించిన ఈ చిత్రంపై తొలి నుండి అనేక వివాదాలు నడుస్తున్నాయి. ముఖ్యంగా ఈ టైటిల్‌ను మార్చాలని వాల్మీకి తమ కులానికి చెందిన వ్యక్తి అని ఆ పాత్రను నెగిటివ్ చూపించడంపై బోయ కులస్తులు ఆగ్రహం వ్యక్తం చేస్తున్నారు.

ఈ తరుణంలో ఈ సినిమా విడుదలను నిలిపివేయాలని కోరుతూ అనంతపురానికి చెందని బోయ కులస్థులు జిల్లా కరెక్టర్‌ను కోరారు. దీంతో శాంతి భద్రత దృష్ట్యా ‘వాల్మీకి’ సినిమా విడుదలను ప్రస్తుతానికి నిలిపివేస్తున్నట్లు కలెక్టర్ ఆదేశాలు జారీ చేశారు.

కాగా ఈ సినిమా షూటింగ్ సమయంలోనూ బోయ కులస్థుల నుండి తీవ్ర వ్యతిరేకత వ్యక్తమైంది. అనంతపురం ముందబండపల్లిలో వాల్మీకి షూటింగ్ సమయంలో బోయకులస్థులు చిత్ర యూనిట్‌పై దాడికి దిగారు. ఆ సందర్భంలో షూటింగ్‌ కూడా నిలిపివేశారు. అయితే వివాదం పూర్తిగా సద్దుమణగకుండానే సినిమా విడుదలకు రెడీ కావడంతో శాంతి భద్రత దృష్ట్యా అనంతపురంలో ‘వాల్మీకి’ నో ఎంట్రీ బోర్డ్ పెట్టారు కలెక్టర్. సో.. అనంతపురంలో రేపు ‘వాల్మీకి’ హౌస్ ఫుల్ బోర్డ్‌లు కనిపించవన్నమాట. మిగిలిన చోట్ల యదావిధిగా ‘వాల్మీకి’ చిత్రం ప్రదర్శితం కానుంది.