'గురు' తర్వాత మరో కొత్త గెటప్‌లో వెంకీ!

మారుతున్న కాలం, ఆడియెన్స్ అభిరుచులనిబట్టి అప్‌డేట్ అవుతూ.. దానికి అనుగుణంగానే పాత్రల్ని ఎంచుకుంటూ ముందుకు సాగుతున్న వెంకీ ప్రస్తుతం గురు మూవీతో బిజీగా వున్నాడు. సాలా ఖడూస్ అనే హిందీ చిత్రానికి తెలుగు రీమేక్‌గా తెరకెక్కుతున్న ఈ గురు సినిమాలో వెంకీ ఓ రఫ్ లుక్‌లో కనిపిస్తున్నాడు. ఈ చిత్రం ప్రస్తుతం పోస్ట్ ప్రొడక్షన్ వర్క్స్‌లో వుండటంతో వచ్చే జనవరి నుంచి వెంకీ ఫోకస్ అంతా కిషోర్ తిరుమల తెరకెక్కించనున్న ఆడాళ్లూ మీకు జోహర్లు మూవీపైకి మళ్లనుంది.

వెంకీ సరసన నిత్యామీనన్ జంటగా నటించనున్న ఈ సినిమాకు గోపీ సుందర్ మ్యూజిక్ కంపోజ్ చేస్తున్నాడు. మూవీ మేకర్స్ నుంచి అందుతున్న లేటెస్ట్ అప్‌డేట్స్ ప్రకారం ఈ సినిమాలో వెంకీ ఓ సరికొత్త గెటప్‌లో కనిపించనున్నాడని తెలుస్తోంది. ప్రస్తుతానికి ప్రీ ప్రొడక్షన్ పనుల్లో వున్న మూవీ యూనిట్ వెంకీ పాత్ర, అతడి న్యూ లుక్ పట్ల ఎటువంటి వివరాలు బహిర్గతం అవకుండా జాగ్రత్తపడుతున్నట్టు సమాచారం. లేదంటే, 'ఆడాళ్లూ మీకు జోహార్లు' ఫస్ట్‌లుక్ పట్ల ఆడియెన్స్‌లో అంత క్యూరియాసిటీ కానీ క్రేజ్ కానీ వుండదు అనేది వారి భయం కాబోలు!