చాలాసార్లు నెలతప్పా -విద్యాబాలన్

బాలీవుడ్ బ్యూటీ విద్యాబాలన్ తనపై మీడియాలో వస్తున్న వరుస గాసిప్స్‌పై ఫైర్ అయ్యారు. తన వైవాహిక జీవితం గురించి మీడియా అత్యుత్సాహానికి పోయి లేనిపోనివి కల్పించి రాస్తుందని వాపోయింది. ‘నాలుగేళ్ల క్రితం ఫిల్మ్ ప్రొడ్యూసర్‌ సిద్ధార్థ్ రాయ్‌ కపూర్‌ను విద్యాబాలన్‌ పెళ్లి చేసుకున్నారు. అయితే ఇటీవల ఆమె వైవాహిక జీవితంలో విభేదాలు తలెత్తాయని, వీరు తొందరలోనే విడుపోతున్నారని, ఇప్పటికే వేరు వేరు జీవితాలను గడుపుతున్నారన్న రూమర్స్ సినీ సర్కిల్స్‌లో హల్ చల్ చేశాయి.

ఈ రూమర్స్‌పై విద్యాబాలన్‌ తనదైన స్టైల్‌లో క్లారిటీ ఇచ్చారు. తన భర్త సిద్ధార్థ్‌‌తో తనకెలాంటి విభేదాలు లేవని, మేం చాలా హ్యాపీగా ఉన్నాం అని స్పష్టం చేశారు. ఇలాటి గాలి వార్తలు ఎలా వస్తాయో నాకు తెలియదని, తన ప్రెగ్నెన్సీపై కూడా ఇలాంటి రూమర్స్ క్రియేట్‌ చేసిన విషయాన్ని గుర్తుచేశారు. గాసిప్ మేకర్స్ నన్ను ప్రతినెలా ప్రెగ్నెంట్‌ని చేశారు అంటూ బోల్డ్ కౌంటర్ ఇచ్చారు.

ఇలాంటి గాసిప్స్ వల్ల లైఫ్ రిస్క్‌లోకి వెళ్లే ప్రమాదం ఉందని, మొదట్లో ఇలాంటి రూమర్స్ విషయంలో కాస్త బాధపడేదాన్నని, అయితే క్రమేపీ అసలు పట్టించుకోవడమే మానేశానని విద్యా బాలన్‌ చెప్పుకొచ్చారు.