HBD Vijay Devarakonda : లైగర్ హంట్ థీమ్.. అదరగొట్టేసిన విజయ్

పూరి జగన్నాథ్, విజయ్ దేవరకొండ కాంబినేషన్‌లో తెరకెక్కిన చిత్రం లైగర్. ఈ మూవీ షూటింగ్ ఎప్పుడో పూర్తయింది. ఆగస్టులో సినిమా ప్రేక్షకుల ముందుకు రాబోతోంది. అయితే నేడు (మే 9) విజయ్ దేవరకొండ బర్త్ డే. ఈ సందర్భంగా లైగర్ నుంచి ఓ అప్డేట్ వచ్చింది. ఈ మూవీ నుంచి పాటను విడుదల చేశారు మేకర్లు. మొత్తానికి ఈ లైగర్ హంట్ థీమ్‌లో విజయ్ దేవరకొండ కొత్త అవతరాన్ని చూసి అందరూ ఆశ్చర్యపోతోన్నారు.
ఇక ఈ పాటలో విజయ్ దేవరకొండ కనిపించిన తీరు, ఆగ్రహం, ఆవేశం, రింగులో తలపడే విధానం అన్నీ కూడా మెప్పించాయి. ఇక ఈ పాటను హేమచంద్ర ఆలపించాడు. భాస్కరభట్ల సాహిత్యాన్ని అందించాడు. బాలీవుడ్ కంపోజర్ విక్రమ్ సంగీతాన్ని అందించాడు. లైగర్ హంట్ థీమ్ మాత్రం ఇప్పుడు హాట్ టాపిక్‌గా మారింది.

ఇక ఈ సినిమాను వదిలే ఒక్కో అప్డేట్ కూడా ఇలానే ట్రెండ్ అయ్యేట్టు కనిపిస్తోంది. అన్ని భాషల్లో ఒకే సారి ఈ పాటను విడుదల చేశారు. మొత్తానికి లైగర్ సినిమాతో విజయ్ దేవరకొండ పాన్ ఇండియన్ హీరోగా ఎదిగేట్టు కనిపిస్తోంది. లైగర్ సినిమా రిజల్ట్ రాకముందే మళ్లీ ఈ ఇద్దరూ కలిసి పని చేస్తోన్నారు. పూరి డ్రీమ్ ప్రాజెక్ట్ అయిన జనగణమన సినిమాను విజయ్ దేవరకొండ చేస్తోన్న సంగతి తెలిసిందే.

ఆల్రెడీ జనగణమన సినిమాను అధికారికంగా ప్రకటించడం, షూటింగ్ కూడా మొదలుపెట్టడం, ఫస్ట్ లుక్, మోషన్ పోస్టర్లను వదలడం కూడా జరిగింది. ఇక లైగర్ ఆగస్టులో థియేటర్లోకి రానుంది.