‘నోటా’ చిత్రంతో డీలాపడ్డ విజయ్ దేవరకొండ.. ‘టాక్సీవాలా’ అంటూ స్టీరింగ్ పట్టి రయ్ మంటూ దూసుకొస్తున్నారు. ఈ నెల 17న ప్రేక్షకుల ముందుకు వస్తున్న ఈ మూవీ ప్రమోషన్స్లో భాగంగా.. నేడు దీపావళి శుభాకాంక్షల్ని తెలియజేస్తూ ఫెస్టివల్ కాన్సెప్ట్ బేస్డ్ పోస్టర్ని విడుదల చేశారు. ఈ పోస్టర్లో విజయ్ దేవరకొండ తన జోడీ ప్రియాంకా జవల్కర్తో కలిసి క్రాకర్స్ కాలుస్తూ దీవాళి పండుగ సంబరాల్లో మునిగితేలుతున్నాడు. కాగా రేపు (నవంబర్ 8) ట్రైలర్ను విడుదల చేస్తున్నట్లు పోస్టర్లో తెలిపారు.
సైంటిఫిక్ థ్రిల్లర్ మూవీ చేయడం దేవరకొండ కెరియర్లో ఇదే తొలిసారి. ఇందులో విజయ్ టాక్సీడ్రైవర్గా సందడి చేస్తున్నారు. పెళ్లి చూపులు, అర్జున్ రెడ్డి, గీత గోవిందం చిత్రాలతో కమర్షియల్ స్టామినా ఉన్న స్టార్ హీరోగా ఎదిగిన విజయ్ దేవరకొండ తాజా చిత్రంతో మళ్లీ హిట్ ట్రాక్ ఎక్కేందుకు ప్రయత్నిస్తున్నారు. ఇటీవల విడుదలైన ఈ మూవీ టీజర్తో పాటు.. ‘మాటే వినదుగా’ అనే సాంగ్ యూత్ని గిలిగింతలు పెడుతోంది. జిఏ2 పిక్చర్స్ మరియు యు.వి. క్రియేషన్స్ సంయుక్తంగా ఈ చిత్రాన్ని నిర్మించారు. ఎస్ కె ఎన్ ఈ చిత్రంతో నిర్మాతగా.. రాహుల్ సంకృత్యాన్ దర్శకుడిగా పరిచయమవుతున్నారు. విజయ్ దేవరకొండ లుక్, బాడీ లాంగ్వేజ్, యాటిట్యూడ్ ‘టాక్సీవాలా’ కథకు అనుగుణంగా ఆకట్టుకునే విధంగా ఉన్నాయి. డైరెక్టర్ రాహుల్ టేకింగ్, సుజిత్ విజువల్స్, జేక్స్ మ్యూజిక్, కృష్ణకాంత్ లిరిక్స్, జాషువా స్టంట్స్.. ‘టాక్సీవాలా’ టాప్ గేర్లో దూసుకుపోవడం ఖాయం గానే కనిపిస్తుంది.
అందాల భామతో టాక్సీడ్రైవర్ దీవాళి పండుగ
పెళ్లి చూపులు, అర్జున్ రెడ్డి, గీత గోవిందం చిత్రాలతో కమర్షియల్ స్టామినా ఉన్న స్టార్ హీరోగా ఎదిగిన విజయ్ దేవరకొండ తాజా చిత్రం ‘టాక్సీవాలా’.
Samayam Telugu 7 Nov 2018, 4:13 pm