సిక్స్ కొట్టడానికే గ్రౌండ్‌లోకి దిగా: విజయ్ దేవరకొండ

‘వరల్డ్ ఫేమస్ లవర్’ చిత్రం తన చివరి లవ్ స్టోరీ అని మరోసారి చెప్పారు విజయ్ దేవరకొండ. ఆయన నటించిన ‘వరల్డ్ ఫేమస్ లవర్’ మూవీ ఫిబ్రవరి 14న ప్రేక్షకుల ముందుకు రానుంది. ఈ మూవీ రిలీజ్‌లో భాగంగా ఆదివారం నాడు ప్రీ రిలీజ్‌ వేడుకును నిర్వహించారు. ఈ ఈవెంట్‌లో విజయ్ ఎమోషనల్ స్పీచ్‌తో అదరగొట్టాడు.

‘వరల్డ్ ఫేమస్ లవర్’ చిత్రం తన చివరి లవ్ స్టోరీ అని మరోసారి చెప్పారు విజయ్ దేవరకొండ. ఆయన నటించిన ‘వరల్డ్ ఫేమస్ లవర్’ మూవీ ఫిబ్రవరి 14న ప్రేక్షకుల ముందుకు రానుంది. ఈ మూవీ రిలీజ్‌లో భాగంగా ఆదివారం నాడు ప్రీ రిలీజ్‌ వేడుకును నిర్వహించారు. ఈ ఈవెంట్‌లో విజయ్ ఎమోషనల్ స్పీచ్‌తో అదరగొట్టాడు.

Samayam Telugu

నాలుగేళ్ల క్రితం విజయ్ అంటే ఎవడో ఎవరికీ తెలియదు

విజయ్ మాట్లాడుతూ.. నాలుగేళ్ల క్రితం 2016లో పెళ్లి చూపులు చిత్రంతో మీ ముందుకు లీడ్ యాక్టర్‌గా వచ్చా.. నాలుగేళ్లు అవుతుంది. ఏడు సినిమాలు రిలీజ్ అయ్యాయి. ఇది నా తొమ్మిదో సినిమా ప్రీ రిలీజ్ ఫంక్షన్. ఈ నాలుగేళ్లలో చాలా చేశాం. హిట్లు కొట్టాం.. కొన్ని చేతి నుండి జారిపోయాయి. తమిళ్ సినిమా కూడా చేశా. ఈ జర్నీలో మీరు నేను ఏది చేసినా నాతో ఉన్నది మీరు. విజయ్ అంటే ఎవడో ఎవరికీ తెలియదు. అట్లాంటిది 2016 నుండి 2020 వరకూ నాకు తోడుగా ఉన్నారు.

సింగిల్ డబుల్స్ నావల్ల కాదు కొడ్తే సిక్సే..

మనం ఈ ఏడాది నుండి ఇంకా చాలా చేయబోతున్నాం. నేను ఏది చేయాలన్నా సిక్స్ కొట్టాలనే దిగుతా. ఈ సింగిల్‌ డబుల్‌లు నాకు ఓపిక ఉండదు. కొడితే స్టేడియం బయట బాల్ పడాలని బ్యాట్ ఊపుతా.. అర్జున్ రెడ్డి, గీత గోవిందం, నోటా, డియర్ కామ్రేడ్ చేసినా ఇలా ప్రయోగాలు చేశాం. కొన్ని అనుకున్నట్టుగానే స్టేడియం బయట పడ్డాయి. మరికొన్ని బౌండరీ దగ్గర క్యాచ్‌లు పడ్డాయి. కాని భయం అయితే లేదు. ఎప్పుడు దిగినా సిక్స్ కొట్టాలనే దిగుతా.

ఇదే నా చివరి లవ్ స్టోరీ అందుకే అన్నీ చేసేశా..

ఇది నా లవ్ స్టోరీ అని మొన్న చెప్పా.. ఎందుకంటే నాకు అలా అనిపించింది. మనిషిగా మారుతున్నా.. టేస్ట్‌లు మారుతున్నాయి. నెక్స్ట్ ఫేజ్‌కి వెళ్తున్నా. లాస్ట్ లవ్ స్టోరీ చేసినప్పుడు ఈసినిమాలో అన్నీ కవర్ చేయాలి. అలాంటప్పుడు మూడు రకాల రోల్స్ ప్లే చేశా. వాళ్ల ఆర్ధికస్తోమతలు.. నాలుగు రకాల ప్రేమికులు. ఇన్ని విచిత్రమైన రోల్స్ ఒకే సినిమాలో చేసే అవకాశం నాకు డైరెక్టర్ ఇచ్చారు.

హీరోయిన్స్‌తో మళ్లీ ప్రేమలో పడ్డా...

బొగ్గుగనిలో నేను శీనయ్యలా నేను ఉండలేను. ఫారిస్ ఎపిసోడ్‌.. గౌతమ్ రోల్ ఇలా ప్రతి రోల్‌ని నేను ఎంజాయ్ చేశా. ఒక టీం గెలవాలంటే ఒక్కరు ఆడితే సరిపోదు.. అందరూ ఆడాలి. ఈ సినిమాలో నాతో హీరోయిన్స్‌గా నటించిన నలుగురు అమ్మాయిలు ఫుల్ ఫామ్‌లో ఉన్నారు. రాశి, ఐశ్వర్య, కేథరిన్, ఇసాబిల్లా ఇలా వీళ్లంతా కెరియర్ బెస్ట్ పెర్ఫామెన్స్ ఇచ్చారు. నిన్న ఈ సినిమా చూస్తున్నప్పుడు మళ్లీ వీళ్ల ప్రేమలో పడ్డా.

ఏంటే సువర్ణా.. గారు గారు అంటున్నావ్? నీ యవ్వా

ఈ సినిమాలో నాతో నటించిన ఐశ్వర్య రాజేశ్ నన్ను గారు గారు అంటుంది. ‘ఐశ్వర్యా.. గారు గారు అంటున్నావ్.. ఏంటి? ఏందే సువర్ణా!! నీ యవ్వా.. గారు గారు హా!. రాశీ ఖన్నా ఈ సినిమాలో యామిని పాత్రలో చితకొట్టింది. నన్ను అర్జున్ రెడ్డి అని ఎలా పిలుస్తారో.. ఈ సినిమాతో రాశిని యామిని అని పిలుస్తారు. మొత్తానికి ఈ సినిమాతో సిక్స్ కొట్టేందుకు బ్యాట్ ఊపినా.. బాల్ గాళ్లో ఉంది. స్టేడియం బయటపడుతుందో బౌండరీ దగ్గర పడుతుందో నాకు తెలియదు. కాని నా నుండి గ్యారంటీ ఏంటంటే.. ఎప్పుడు మీరు విజయ్ దేవరకొండ సినిమాకి వెళ్లినా ఖచ్చితంగా కొత్త ఎక్స్ పీరియన్స్ వస్తుంది. ఈ సినిమాతో అదే ఇస్తున్నా. ఫిబ్రవరి 14న తప్పకుండా మ్యాజిక్ చూస్తారు’ అంటూ చెప్పుకొచ్చారు విజయ్ దేవరకొండ.

Youtube-Vijay Deverakonda Superb Speech | World Famous Lover Pre Release Event | Shreyas Media