నాకు తెలియకుండానే నా పెళ్లి చేశారన్న హీరో!

నాకు తెలియకుండానే నా పెళ్లి చేసిన మీడియా నా ఇద్దరు కొడుకుల గురించి చెప్పడం మాత్రం మర్చిపోయింది అని ఫన్నీగా కామెంట్ చేశాడు పెళ్లి చూపులు సినిమా హీరో విజయ్ దేవరకొండ. విజయ్ దేవరకొండ ఓ ఇంటివాడవుతున్నాడంటూ ఇటీవల కొన్ని వార్తలొచ్చాయి. విజయ్‌కి తన గాళ్‌ఫ్రెండ్‌తో ఎంగేజ్‌మెంట్ జరిగిందని కొందరంటే, ఏకంగా అతడికి పెళ్లయిపోయిందంటూ ఇంకొందరన్నారు. దీంతో తన పెళ్లి గురించి సాగుతున్న రన్నింగ్ కామెంటరీపై స్పందించిన విజయ్ దేవరకొండ తన ఫేస్‌బుక్ ఖాతాలో ఓ ఫన్నీ పోస్ట్ పెట్టాడు.

' తాను 14 గంటల విమాన ప్రయాణంలో వుంటే, ఇండియాలో తన పెళ్లి చేస్తున్నారట' అని వ్యంగ్యంగా ఓ పోస్ట్ పెట్టిన విజయ్... తన ఇద్దరు కొడుకులైన రమ్మీ, డమ్మీల గురించి చెప్పడం మీడియా మర్చిపోయినట్టుందని ఆ పోస్టులో పేర్కొన్నాడు. తాను ఇండియాలోనే లేని టైమ్‌లో తనకి అక్కడ పెళ్లి ఎలా జరగడం ఎలా సాధ్యం అని పరోక్షంగా ప్రశ్నించిన విజయ్... అదంతా ఉత్తుత్తి గాసిప్సేనని స్పష్టంచేశాడు.