Vijay Devarakonda: రౌడీ న్యూ ఇయర్‌ గిఫ్ట్‌.. `వరల్డ్‌ ఫేమస్‌ లవర్‌` అప్‌డేట్

సెన్సేషనల్ స్టార్‌ విజయ్‌ దేవరకొండ హీరోగా తెరకెక్కుతున్న తాజా చిత్రం వరల్డ్‌ ఫేమస్‌ లవర్‌. విభిన్న చిత్రాల దర్శకుడు క్రాంతి మాధవ్‌ దర్శకత్వంలో తెరకెక్కుతున్న ఈ సినిమాలో విజయ్‌ దేవరకొండ నాలుగు డిఫరెంట్ వేరియేషన్స్‌లో కనిపించనున్నాడు. విజయ్‌కి జోడిగా రాశీ ఖన్నా, ఐశ్వర్యా రాజేష్‌, కేథరిన్‌ థ్రెస్సా, ఇసాబెల్లాలు హీరోయిన్లుగా నటిస్తున్నారు.

ప్రస్తుతం చిత్రీకరణ జరుపుకుంటున్న ఈసినిమాకు సంబంధించి ప్రమోషన్‌ కార్యక్రమాలు ప్రారంభించారు చిత్రయూనిట్. ఇప్పటికే సినిమాలోని నాలుగు ప్రేమ కథలకు సంబంధించిన నాలుగు పోస్టర్లను రిలీజ్ చేశారు చిత్రయూనిట్. న్యూ ఇయర్‌ కానుకగా మరో అప్‌డేట్ ఇచ్చారు. ఈ సినిమా టీజర్‌ రిలీజ్ డేట్‌ను ఎనౌన్స్‌ చేశారు.
Also Read: ఖాళీగా ఏం లేను.. 365 రోజులు బిజీ అంటున్న తమన్నా

రొమాంటిక్‌ ఎంటర్‌టైనర్‌గా తెరకెక్కుతున్న ఈ సినిమా టీజర్‌ను జనవరి 3న రిలీజ్‌ చేస్తున్నట్టుగా ప్రకటించారు. న్యూ ఇయర్‌ శుభాకాంక్షలు తెలుపుతూ టీజర్‌ రిలీజ్ డేట్‌తో ఓ పోస్టర్‌ను రిలీజ్ చేశారు చిత్రయూనిట్. అన్ని కార్యక్రమాలు పూర్తి చేసి సినిమాను ప్రేమికుల రోజు కానుకగా ఫిబ్రవరి 14న రిలీజ్‌ చేసేందుకు ప్లాన్ చేస్తున్నారు.

క్రియేటివ్‌ కమర్షియల్స్‌ బ్యానర్‌పై సీనియర్‌ నిర్మాత కేయస్ రామారావు సమర్పణ ఏ వల్లభ ఈ సినిమాను నిర్మిస్తున్నారు. మలయాళ సంగీత మాంత్రికుడు గోపీ సుందర్‌ సంగీతమందిస్తున్నాడు. డియర్‌ కామ్రేడ్‌తో నిరాశపరిచిన విజయ్‌ దేవరకొండ ఈ సినిమాతో సూపర్‌ హిట్ కొట్టి తిరిగి సత్తా చాటాలని భావిస్తున్నాడు.
Also Read: దిశా న్యూ ఇయర్‌ విషెస్‌.. మరీ ఇంత ఘాటుగానా..?