విజయ్ దేవరకొండ ముగ్గుల చెడ్డీ..రూ.86,712.. వార్నీ ఇదేం బ్రాండయ్యో కొండబాబు

మన కొండబాబు (Vijay Deverakonda) చర్యలు ఊహాతీతంగా ఉండటమే కాదు.. అంతకు మించి అనేట్టుగా కూడా ఉంటాయి. ముఖ్యంగా అతని డ్రెస్సింగ్ స్టైయిల్ అయితే నెవ్వర్ బిఫోర్ ఎవ్వర్ ఆఫ్టర్ అనేట్టుగానే ఉంటాయి. సినిమాల్లో అయితే విజయ్ దేవరకొండ దర్శకుడు చెప్పినట్టు బట్టలు వేసుకుంటాడు కానీ.. బయట చూస్తే మాత్రం.. మనోడు డ్రెస్ వేశాడంటే.. ఏది షర్టో.. ఏది ఫ్యాంట్‌ అన్నది తెలుసుకోవడానికే అరగంట పడుతుంది. అంత చిత్ర విచిత్రంగా ఉంటాయి.. అతను వేసుకునే బట్టలు. ఒక్కోసారి మోకాళ్ల వరకూ ఉండే షర్ట్ వేస్తాడు.. ఇంకోసారి భుజాలు జారిపోయేట్టుగా ఉండే షర్ట్‌లు వేస్తాడు. ఇంకోసారి పాత సినిమాల్లో మన ఎన్టీఆర్, ఏఎన్నార్‌లు వేసిన ఫ్యాంట్‌లకు డబుల్ లూజ్ ఉండేట్టుగా ఫ్యాంట్‌లు వేస్తాడు. ఇక అతను వేసే టీషర్ట్‌లు.. షూట్‌లు.. జీన్స్.. ఇవన్నీ ఫ్యాషన్‌కి అమ్మ మొగుడు అనేట్టుగానే ఉంటాయి. అవి అతని అందాన్ని పెంచేట్టుగా అయితే ఉండవు కానీ.. వార్తల్లో నిలిపెట్టుగానే ఉంటుంది.

అయితే ఈ మధ్య మనోడు తన రహస్య ప్రేయసి రష్మికతో కలిసి ఫారిన్ ట్రిప్ వేశాడనే పుకార్ల నేపథ్యంలో బాగా వైరల్ అయ్యాడు. ఈ సందర్భంలో అతను షేర్ చేసిన ఫొటోల్లో ఓ ముగ్గుల చెడ్డీతో కనిపించాడు. న్యూ ఇయర్ వేడుకల్లో భాగంగా.. పిట్టలదొర మాదిరిగా టోపీ పెట్టుకుని.. ఓ చెడ్డీ వేసుకుని కనిపించాడు విజయ్ దేవరకొండ.

అసలే చెడ్డీ.. దానికి మళ్లీ ముగ్గులు.. ఇదేం ఫ్యాషన్‌రా బాబూ అని తేలిగ్గా తీసిపారేయకండి.. అతను వేసుకున్న చెడ్డీ ధర తెలిస్తే కళ్లు బైర్లు కమ్మడం ఖాయం. మన కొండబాబు వేసుకున్న చెడ్డీ ధర రూ.86,712. వార్నీ.. ఈ ముగ్గుల చెడ్డీ‌ మరీ ఇంత క్యాస్ట్లీ ఏంట్రా బాబూ.. ఏంటీ దీని ప్రత్యేకత అంటే.. ఏమీ లేదు. ఆ చెడ్డీపై సువర్ణపు రంగు పూతతో డిజైన్ ఉంది. అంతకు మించి ఏమీ లేదు కానీ.. ఇది వెర్సేస్ (VERSACE) అనే ఇంటర్నేషనల్ బ్రాండ్ వాళ్లది. వీళ్ల చెడ్డీ లన్నీ రూ.50 వేలు పైమాటే అనేట్టుగా ఉన్నాయి. ఇదండీ మన కొండబాబు క్యాస్ట్లీ చెడ్డీ ముచ్చట.