రూ.300 కోట్ల బడ్జెట్ సినిమాలో విక్రమ్!

తమిళ హీరో విక్రమ్ మరోసారి బాలీవుడ్‌లో తన అదృష్టాన్ని పరీక్షించుకుంటున్నాడు. ఈ సారి సాదాసీదా సినిమాలో కాదు ఏకంగా రూ.300 కోట్ల వ్యయంతో నిర్మిస్తున్న ‘మహావీర్ కర్ణ’ సినిమాలో ఛాన్స్ కొట్టేశారు. ఆర్.ఎస్.విమల్ దర్శకత్వంలో నిర్మిస్తున్న ఈ భారీ బడ్జెట్ చిత్రంలో ఛాన్స్ కొట్టేశాడు. తెలుగు, తమిళం, హిందీ తదితర భాషల్లో విడుదల కానున్న ఈ సినిమాలో మొదట పృథ్వీరాజ్ పేరు పరిశీలించారు. అయితే, అనివార్య కారణాల వల్ల అతను ఈ ప్రాజెక్ట్ నుంచి తప్పుకున్నాడు. దీంతో, ఆ అవకాశం చియా విక్రమ్‌‌ను వరించింది.

‘ఇంకొక్కడు’ సినిమా తర్వాత విక్రమ్ మరే సినిమాలోనూ కనిపించలేదు. ప్రస్తుతం గౌతం మీనన్ దర్శకత్వంలో రూపొందుతున్న ‘ధృవ నచ్చతిరం’ త్వరలోనే విడుదల కానుంది. తమన్నా, విక్రమ్‌ల ‘స్కెచ్’ కూడా ఈ ఏడాదే వస్తుంది. ‘మహావీర్ కర్ణ’ సినిమాను న్యూయార్క్‌కు చెందిన యూనైటెడ్ ఫిల్మ్ కింగ్‌డమ్ నిర్మిస్తున్నట్లు చియాన్ విక్రమ్ తన ఇన్‌స్టాగ్రమ్ అకౌంట్లో తెలిపాడు.