కారులో షికారు కెళ్తే!! సల్మాన్ గర్ల్‌ఫ్రెండ్‌తో వెంకీ

వివాదాలకు దూరంగా ఉండే వెంకటేష్ తాజాగా బాలీవుడ్ హీరో సల్మాన్ ఖాన్ గర్ల్‌ఫ్రెండ్‌‌గా ప్రచారమవుతున్న ఐలియా వాంటర్‌తో కలిసి కారులో కనిపించడం హాట్ టాపిక్‌గా మారింది. నిన్న ముంబైలో వెంకీ, వాంటర్ ఓ పార్టీ నుండి బయటకు వచ్చి ఒకేకారులో ప్రయాణించడం కెమెరాకు చిక్కింది. దీంతో ఇప్పుడు వీరిద్దరి కలయికపై రకరకాల వార్తలు వినిపిస్తున్నాయి. వెంకీ గతంలో ఓ రెండు బాలీవుడ్ సినిమాల్లో నటించాడు.

ఆ తరువాత పూర్తిగా తెలుగు ఇండస్ట్రీకే పరిమితమయ్యాడు. గత కొన్ని రోజులుగా ఆయన బాలీవుడ్‌లో సినిమా చేస్తాడనే మాటలు వినిపిస్తున్నాయి. గతేడాది వెంకీ ఓ కార్యక్రమంలో సల్మాన్ తనకు సోదరుడు లాంటి వాడని తనతో కలిసి ఓ సినిమాలో నటిస్తానని అన్నారు. ఆ తరువాత మాత్రం ప్రాజెక్ట్ ముందుకు కదలలేదు. మళ్ళీ ఇన్నాల్టికి వీరి కాంబినేషన్ లో సినిమా రాబోతుందనే వార్తలు వినిపిస్తున్నాయి.

అయితే వెంకీ, సల్మాన్‌తో కలిసి మల్టీస్టారర్ సినిమాలో నటిస్తాడా? లేక సల్మాన్ సొంత బ్యానర్‌లో ఏమైనా సినిమా చేస్తున్నాడా..? అని రకరకాల ఊహాగానాలు మొదలయ్యాయి. అయితే ఈ విషయమై చర్చించుకోవడానికే వెంకీ.. ఓ పార్టీలో సల్మాన్, వాంటర్‌లతో కలిసి సమావేశమయ్యారని అంటున్నారు. అంతేకాదు వెంకీ నటించబోయే సినిమాలో వాంటర్ కూడా నటించే ఛాన్స్ ఉందని టాక్. పార్టీ నుండి బయటకు వచ్చిన తరువాత వెంకీ, వాంటర్‌లు ఒకేకారులో వెళ్ళడంతో బాలీవుడ్‌లో హాట్ టాపిక్‌గా మారింది.