టీజర్: ‘అభిమన్యుడు’ మైండ్ గేమ్ రంజుగా ఉంది!

‘ప్రతి ఒక్కరి కంప్యూటర్‌ స్క్రీన్‌ వెనుక ఓ ఇనుప కవచం ఉంది. దాన్ని ఎవరూ తాకలేరు, తెరవనూ లేరు’ అంటూ ‘అభిమన్యుడు’ టీజర్‌తో వచ్చేశారు విశాల్ అండ్ అర్జున్. సమంత, విశాల్ జోడిగా నటిస్తున్న ఈ మూవీలో అర్జున్ టెక్నాలజీ నిపుణుడిగా కీలక పాత్రలో నటిస్తున్నారు. ఇటీవల షూటింగ్ అనంత కార్యక్రమాలు పూర్తి కావడంతో నిమిషమున్నర నిడివి ఉన్న టీజర్‌ను విడుదల చేసింది చిత్ర యూనిట్. టీజ‌ర్ చూస్తే ఇదో మైండ్ గేమ్ మూవీ అని అర్థ‌మ‌వుతోంది. టెక్నాలజీ ఆధారంగా వ్యక్తగత సమాచారాన్ని ఎలా చోరీ చేయవచ్చు, ఆన్ లైన్ మోసాలు ఎలా జరుగుతున్నాయి అన్న కోణంలో థ్రిల్లింగ్ కాన్సెప్ట్‌తో పిఎస్ మిత్రన్ ఈ చిత్రాన్ని రూపొందించారు.

‘ఈ కాలపు దొంగకి నీ ఇంటి తాళాలు అక్కర్లేదు.. నీ గురించి చిన్న సమాచారం చాలు.. దిస్‌ ఈజ్‌ ద ఇన్‌ఫర్మేషన్‌ ఏజ్‌.. ఇక్కడ ఒక్కో ఇన్‌ఫర్మేషన్‌కు ఓ రేటుంది.’ అర్జున్ చెప్తున్న డైలాగ్స్ మూవీపై ఆసక్తిరేకెత్తిస్తున్నాయి. విశాల్ ఆర్మీ అధికారిగా కనిపించనున్న ఈ యాక్షన్ థ్రిల్లర్‌కి యువన్ శంకర్ రాజా సంగీతాన్ని సమకూర్చారు. ఇందులో ఆమె రతీదేవి అనే సైకాలజిస్ట్‌ పాత్రలో సమంత సందడి చేయనుంది. అయితే ట్రైలర్ మొత్తంలో అక్కడక్కడా మహేష్- మురుగదాస్ కాంబినేషన్‌లో వచ్చిన ‘స్పైడర్’ ఛాయలు కనిపిస్తున్నాయి. కాగా గణతంత్ర దినోత్సవాన్ని పురస్కరించుకుని జనవరి 26న ‘అభిమన్యుడు’ ప్రేక్షకుల ముందుకు రానుంది.