Pawan Kalyan: మూవీ ఆర్టిస్ట్ అసోసియేషన్ ఎన్నికలకు సమయం దగ్గర పడుతుంది. ప్రకాశ్ రాజ్ ప్యానెల్, విష్ణు మంచు ప్యానెల్ ఒకరిపై ఒకరు చేస్తున్న విమర్శకులకు పదును పెట్టారు. రెండు ప్యానెల్స్కు చెందిన అభ్యర్థులు ప్రెస్మీట్స్ పెట్టి మరీ మరో ప్యానెల్పై విమర్శలు చేస్తూ వస్తున్నారు. ఈ క్రమంలో విష్ణు మంచు రీసెంట్ ఇంటర్వ్యూలో మాట్లాడుతూ తన సినిమా బడ్జెట్ను పవన్ కళ్యాణ్ సినిమా తొలిరోజు కలెక్షన్స్తో పోల్చుతూ మాట్లాడిన ప్రకాశ్ రాజ్కు కౌంటర్ ఎటాక్ ఇచ్చారు. ‘‘ప్రకాశ్రాజ్గారి స్టేట్మెంట్ ఫన్నీగా ఉంది. ఆయన అన్నీ నిజాలే మాట్లాడేస్తున్నారేంటి? పవన్ కళ్యాణ్గారు జెంటిల్మెన్. నేనెంతో ఇష్టపడతాను. నేను చిరంజీవిగారితో, నాగబాబుగారితో ఉన్నంత క్లోజ్గా పవన్కళ్యాణ్గారితో లేను. ఇంతకీ ఆయన నాకెందుకు ఇష్టమనే విషయాన్ని ఓ ఉదాహరణతో చెబుతాను.. ఆరేడేళ్ల క్రితం.. ఓసారి సినిమాల నిర్మాణంలో బడ్జెట్స్ పెరిగిపోతున్నాయని ఇండస్ట్రీలో అందరూ కలుసుకుని మాట్లాడుకోవాలనుకున్నారు. ఆ మీటింగ్కు పవన్ కళ్యాణ్ సహా అందరూ వచ్చారు. అప్పుడు ఓ ప్రొడ్యూసర్ మాట్లాడుతూ సినిమాలు చేసే వాళ్లందరూ ప్రొడ్యూసర్ కౌన్సిల్కు స్క్రిప్ట్, బడ్జెట్ ఇస్తే.. మేం పరిశీలిస్తాం అన్నారు. అప్పుడు పవన్ కళ్యాణ్గారు ఓ మాటన్నారు. నేను ప్రొడ్యూసర్ కౌన్సిల్కు అలా నా స్క్రిప్ట్ పంపను. మీరు పెట్టే రూల్స్ ఎప్పుడూ బ్రేక్ చేసేలా పెట్టొద్దు. అందరూ గౌరవించేలా రూల్స్ పెట్టండన్నారు. అదొక బ్రిలియంట్ స్టేట్మెంట్. అప్పుడు అందరికంటే ముందు నేనే లేచి నిలబడి అరిచి చప్పట్లు కొట్టాను. అదే మొన్న జరిగిన ఆడియో ఫంక్షన్లో ఆయనసలు నాన్నగారి పేరెందుకెత్తారో మాకు తెలియదు.
ఆన్లైన్ టిక్కెటింగ్ గురించి ఓ ప్రతినిధుల బృందం వెళ్లి రాష్ట్ర ప్రభుత్వంతో చర్చలు జరుపుతుంది. ఆంధ్ర ప్రదేశ్ ప్రభుత్వం స్కూల్స్, కాలేజీల ఫీజులు తగ్గించేస్తున్నారు. అలాగే సినిమా టికెట్ రేట్స్ను తగ్గించారు. తగ్గిన రేట్స్ను పెంచమని కొందరు పెద్దలు రాయభారం చేస్తున్నారు. ఓ నిర్మాతగా ఆయన అలా మాట్లాడి గవర్నమెంట్ను ఛాలెంజ్ చేసేసరికి, అయ్యయ్యో ఇలా ఎందుకు మాట్లాడారో అని ఇండస్ట్రీలో ప్రతి ప్రొడ్యూసర్ అనుకున్నాడు. మరుసటి రోజును ఫిలించాంబర్, ప్రొడ్యూసర్ కౌన్సిల్ మాకు, పవన్కళ్యాణ్ స్పీచ్కు సంబంధం లేదని లెటర్స్ ఇచ్చారు. తర్వాత ప్రకాశ్ రాజ్గారు నామినేషన్ వేయడానికి వచ్చినప్పుడు అప్పుడు మీడియా వాళ్లు అడిగినప్పుడు పవన్ కళ్యాణ్ మాటల్లో తప్పేంలేదన్నారు. నేను ఆ విషయం పట్టుకున్నాను’’ అని తన స్పందనను తెలియజేశారు విష్ణు మంచు.
ఆన్లైన్ టిక్కెటింగ్ గురించి ఓ ప్రతినిధుల బృందం వెళ్లి రాష్ట్ర ప్రభుత్వంతో చర్చలు జరుపుతుంది. ఆంధ్ర ప్రదేశ్ ప్రభుత్వం స్కూల్స్, కాలేజీల ఫీజులు తగ్గించేస్తున్నారు. అలాగే సినిమా టికెట్ రేట్స్ను తగ్గించారు. తగ్గిన రేట్స్ను పెంచమని కొందరు పెద్దలు రాయభారం చేస్తున్నారు. ఓ నిర్మాతగా ఆయన అలా మాట్లాడి గవర్నమెంట్ను ఛాలెంజ్ చేసేసరికి, అయ్యయ్యో ఇలా ఎందుకు మాట్లాడారో అని ఇండస్ట్రీలో ప్రతి ప్రొడ్యూసర్ అనుకున్నాడు. మరుసటి రోజును ఫిలించాంబర్, ప్రొడ్యూసర్ కౌన్సిల్ మాకు, పవన్కళ్యాణ్ స్పీచ్కు సంబంధం లేదని లెటర్స్ ఇచ్చారు. తర్వాత ప్రకాశ్ రాజ్గారు నామినేషన్ వేయడానికి వచ్చినప్పుడు అప్పుడు మీడియా వాళ్లు అడిగినప్పుడు పవన్ కళ్యాణ్ మాటల్లో తప్పేంలేదన్నారు. నేను ఆ విషయం పట్టుకున్నాను’’ అని తన స్పందనను తెలియజేశారు విష్ణు మంచు.