Das Ka Dhamki మూవీ రిలీజ్ డేట్‌పై క్లారిటీ వచ్చేసింది. ఇటీవల జరిగిన ఈ సినిమా ప్రీరిలీజ్ ఈవెంట్‌కి హాజరైన నందమూరి బాలకృష్ణ ట్రైలర్‌ని విడుదల చేశారు. ఈ సినిమాలో విశ్వక్ సేన్‌కి జంటగా నివేదా పేతురాజ్ నటిస్తోంది. ఈ ఇద్దరి కాంబినేషన్‌లో రాబోతున్న రెండో సినిమా ఇది. గత ఏడాది పాగల్ సినిమాలో ఇద్దరూ జంటగా నటించారు. కానీ ఆ సినిమా అభిమానుల్ని మెప్పించలేకపోయింది. కానీ ‘దాస్ కా దమ్కీ’లో మాత్రం ఇద్దరి మధ్య కెమెస్ట్రీ బాగా కుదిరినట్లు కనిపిస్తోంది.
Authored byరాజేంద్ర గాలేటి | Samayam Telugu24 Nov 2022, 2:39 pm
Das Ka Dhamki Release Date: టాలీవుడ్ యంగ్ హీరో విశ్వక్ సేన్ (Vishwak Sen) హీరోగా నటిస్తున్న ‘దాస్ కా దమ్కీ’ (Das Ka Dhamki) మూవీ రిలీజ్ డేట్‌ని ఆ చిత్ర యూనిట్ ఈరోజు ప్రకటించేసింది. విశ్వక్ సేన్, నివేదా పేతురాజ్ జంటగా నటిస్తున్న ఈ మూవీ ట్రైలర్ ఇటీవల విడుదలైంది. ఈ ప్రీరిలీజ్ ఈవెంట్‌కి నందమూరి బాలకృష్ణ (Nandamuri Balakrishna) రావడం అక్కడ విశ్వక్ సేన్, బాలయ్య మధ్య జరిగిన సంభాషణ మూవీ ప్రమోషన్స్‌కి బాగా ఉపయోగపడింది. ఈ మూవీ‌కి డైరెక్టర్ కూడా విశ్వక్ సేన్ కావడం విశేషం.
Samayam Teluguదాస్ కా దమ్కీ రిలీజ్ డేట్
‘దాస్ కా దమ్కీ’ ట్రైలర్ యూత్‌కి బాగా కనెక్ట్ అయ్యింది. ఆ సినిమాలోని ఓ డైలాగ్‌పై ఇప్పటికే సోషల్ మీడియాలో పెద్ద ఎత్తున ట్రోల్స్ నడిచాయి. కారులో విశ్వక్ సేన్, నివేదా వెళ్తుండగా.. డ్రైవింగ్‌లో ఉన్న విశ్వక్ సేన్‌కి నివేదా ముద్దు పెడుతుంది. దాంతో విశ్వక్ సేన్.. మెడికల్ షాప్ దగ్గర ఆపనా? అని అడగ్గా.. గెట్ అవుట్.. గెట్ అవుట్ ఆఫ్ మై కార్ అని నివేదా రిప్లై ఇస్తుంది. ఇటీవల ఓ న్యూస్ ఛానల్ యాంకర్ స్టూడియో నుంచి విశ్వక్ సేన్‌ని గెట్ ఆవుట్ అంటూ వేలు చూపిస్తూ బయటికి పంపిన విషయం తెలిసిందే.
దాస్ కా దమ్కీ మూవీలో విశ్వక్ సేన్, నివేదా పేతురాజ్‌తో పాటు రావు రమేశ్, అజయ్, జబర్దస్త్ హైపర్ ఆది, మహేష్, దర్శకుడు తరుణ్ భాస్కర్, సీనియర్ నటి రోహిణి, పృథ్వీరాజ్ తదితరులు నటించారు. ఈ సినిమాని 2023, ఫిబ్రవరి 17న రిలీజ్ చేయబోతున్నట్లు విశ్వక్ సేన్ ఈరోజు ట్విట్టర్ ద్వారా ప్రకటించాడు. ఈ మేరకు ఒక కొత్త పోస్టర్‌ని కూడా అతను రిలీజ్ చేశాడు. వరల్డ్‌వైడ్‌గా తెలుగు, హిందీ, తమిళ్, మలయాళం భాషల్లో పాన్ ఇండియా మూవీగా ఈ సినిమాని రిలీజ్ చేయబోతున్నారు.
టాలీవుడ్‌లో ఇటీవల విశ్వక్ సేన్ పేరు ఎక్కువగా వినిపిస్తోంది. సీనియర్ నటుడు అర్జున్‌తో సినిమాకి ఒప్పుకుని సడన్‌గా ఆ మూవీ నుంచి తప్పుకోవడంతో విమర్శలపాలైన విశ్వక్ సేన్.. ఆ తర్వాత వివరణ ఇచ్చుకున్నాడు. కానీ విశ్వక్ సేన్ చేసింది తప్పు అని చాలా మంది టాలీవుడ్ పెద్దలు అభిప్రాయపడ్డారు. అయితే.. అవన్నీ పట్టించుకోని విశ్వక్ సేన్ ‘దాస్ దా దమ్కీ’ మూవీ ప్రీరిలీజ్ ఈవెంట్‌లో బాలకృష్ణ చేతుల మీదుగా ట్రైలర్‌ని రిలీజ్ చేయించడం అందర్నీ ఆశ్చర్యపరిచింది. ఇప్పటికే ‘దాస్ దా దమ్కీ’ సినిమా షూటింగ్ చివరి దశకి చేరుకోగా.. వచ్చే ఏడాది ఈ సినిమా ప్రేక్షకుల్ని ఏ మేరకు అలరిస్తుందో చూడాలి.
గాలేటి రాజేంద్ర సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ స్పోర్ట్స్, సినిమాకి సంబంధించిన వార్తలు, విశ్లేషణలు రాస్తుంటారు. క్రికెట్ అంటే అమితమైన ఇష్టం. మ్యాచ్‌లకి సంబంధించి ఆసక్తికరమైన కథనాల్ని అందిస్తుంటారు. ఈయనకి జర్నలిజంలో 10 ఏళ్లకి పైగా అనుభవం ఉంది. గతంలో ఈనాడు.నెట్‌లో పనిచేశారు. అంతకముందు జర్నలిజంలో పీజీ చేయడంతో పాటు ఈనాడు జర్నలిజం స్కూల్‌లో శిక్షణ పొందారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
