వినాయక్ డైరెక్షన్‌లో గోపిచంద్?

మాస్ అండ్ యాక్షన్ హీరో గోపిచంద్ ప్రస్తుతం 'ఆక్సిజన్' సినిమాలో నటిస్తున్నాడు. ఈ సినిమా త్వరలోనే ప్రేక్షకుల ముందుకు రానుంది. ఈ సినిమా విడుదలకు ముస్తాబవుతుండగానే గోపిచంద్, సంపత్ నంది దర్శకత్వంలో మరో సినిమా చేస్తున్నాడు. ప్రస్తుతం ఈ సినిమా చిత్రీకరణ దశలో ఉంది. అయితే ఈ సినిమా తరువాత ఈ హీరోగారు దర్శకుడు వినాయక్ దర్శకత్వంలో సినిమా చేయబోతున్నట్లు ఫిల్మ్ నగర్ టాక్.

చిరంజీవి 150వ సినిమా డైరెక్ట్ చేస్తోన్న వినాయక్ మరే సినిమా కమిట్ కాలేదు. తాజాగా ఆయన చిరు సినిమా పూర్తయిన వెంటనే గోపిచంద్‌తో సెట్స్ పైకి వెళ్లనున్నారని సమాచారం. ఇదివరకే వినాయక్ కథను సిద్ధం చేసి మిర్యాల రవీందర్ రెడ్డి అనే నిర్మాతకు వినిపించడం ఆయన ఓకే చెప్పడం జరిగిపోయాయి. ఈ సినిమాలో గోపిచంద్ పోలీస్ పాత్రలో కనిపించనున్నాడని సమాచారం. నిర్మాత కూడా గోపిచంద్‌తో సినిమా చేస్తున్నట్లు అనౌన్స్ చేశారు. ఈ సినిమాను డైరెక్ట్ చేసేది వినాయక్ అనే మాటల బలంగావినిపిస్తున్నాయి. త్వరలోనే ఈ విషయానికి సంబంధించి పూర్తి వివరాలు తెలియనున్నాయి.