శ్రీముఖి ‘కుటుంబ కథా చిత్రమ్’ టీజర్‌

నందు, శ్రీముఖి ప్రధాన పాత్రల్లో నటిస్తున్న చిత్రం ‘కుటుంబ కథా చిత్రమ్’. కె.ఎస్‌ వాసు దర్శకత్వం వహిస్తున్న ఈ సినిమా టీజర్ గురువారం (నవంబర్ 16) విడుదలైంది. కమల్‌ కామరాజు ఈ సినిమాలో మరో కీలక పాత్ర పోషిస్తున్నాడు. టీజర్ గమనిస్తే.. దీన్ని ఓ సస్పెన్స్‌ థ్రిల్లర్‌ సినిమాగా తెరకెక్కిస్తున్నట్లు తెలుస్తోంది. భాస్కరా గ్రూప్‌ ఆఫ్‌ మీడియా పతాకంపై దాసరి భాస్కర్‌ నిర్మిస్తున్న ఈ చిత్ర విడుదల తేదీని ప్రకటించాల్సి ఉంది. సునీల్‌ కశ్యప్‌ ఈ సినిమాకు సంగీతం అందిస్తున్నాడు.

టీజర్ కంటే కాస్త ముందుగా ‘కుటుంబ కథా చిత్రం’ ఫస్ట్‌లుక్‌‌ను విడుదల చేశారు. ఇందులో నందు, శ్రీముఖి దిగాలుగా కూర్చొని ఉండగా.. వెనకాల కమల్‌ కామరాజు కాస్త భయగొల్పేలా ఉన్నాడు. నటిగా శ్రీముఖికి అత్యంత కీలకం కానున్న ఈ సినిమా.. ప్రేక్షకులను ఏ మేరకు మెప్పిస్తుందో వేచి చూడాలి.