సాహో ప్రభాస్! అభిమాని కోసం మోకాళ్లపై కూర్చొని...

‘బాహుబలి’ సినిమాతో ప్రపంచవ్యాప్తంగా అభిమానులను సంపాందించుకున్న నటుడు ప్రభాస్. సినిమాల్లో ఎంతో గంభీరంగా కనిపించే ప్రభాస్, వాస్తవానికి చాలా సౌమ్యుడు. వివాదాలకు దూరంగా ఉంటూ.. తన పని తాను చేసుకునిపోవడం ప్రభాస్ నైజం. ప్రస్తుతం ‘సాహో’ సినిమా షూటింగులో బిజీగా ఉన్న ప్రభాస్‌ ఇటీవల అభిమానులను ప్రత్యేకంగా కలుసుకున్నాడు.

ఈ సందర్భంగా ఓ అభిమానిని చూసి ప్రభాస్ మనసు కరిగిపోయింది. కాళ్లు లేని ఓ వికలాంగ అభిమాని ప్రభాస్‌తో సెల్ఫీ దిగడానికి ఇబ్బందిపడుతున్నట్లు గుర్తించిన ప్రభాస్ తానే మోకాళ్లపై కూర్చొని, అతని భుజంపై చేయి వేసి సెల్ఫీ తీసుకున్నాడు. దీంతో, ఆ అభిమాని ఆనందానికి అవధులు లేవు. ఈ ఫొటో ఇప్పుడు ఇంటర్నెట్‌లో వైరల్‌గా షేరవ్వుతోంది.