మహేశ్ బాబు దసరా విషెస్.. కన్నడిగుల ఆగ్రహం!

సూపర్ స్టార్ మహేశ్ బాబు ట్విట్టర్ ద్వారా దసరా శుభాకాంక్షలు తెలిపారు. తెలుగు, హిందీ, తమిళం, ఇంగ్లిష్ భాషల్లో ఆయన తన అభిమానులకు దసరా విషెస్ చెబుతూ ట్వీట్ చేశారు. విజయదశమి పర్వదినం సందర్భంగా మీ అందరికీ ప్రేమ, ఆనందంతో కూడిన శుభాకాంక్షలు చెబుతున్నానంటూ ఆయన ట్వీట్ చేశారు. కానీ హిందీ మాట్లాడే వారికి కూడా విజయదశమి శుభాకాంక్షలు చెప్పిన ప్రిన్స్.. కన్నడలో శుభాకాంక్షలు చెప్పకపోవడం కన్నడిగులకు కోపం తెప్పించింది.

దీంతో కన్నడలో విషెస్ ఎక్కడ అంటూ కన్నడ సోదరులు ఆగ్రహం వ్యక్తం చేశారు. ‘ఈయనకు డబ్బు సంపాదించడానికి కర్ణాటక ప్రజలు కావాలి, శుభాకాంక్షలు చెప్పడానికి మాత్రం కన్నడ ప్రజలు పనికిరా’రంటూ ఓ కన్నడిగుడు ఘాటుగా కామెంట్ చేశాడు.
మా కర్ణాటక ప్రజలు బాబు, బాబు అంటూ సినిమా రాగానే వెళ్లి చూస్తారు. మీరు కన్నడలో విష్ చేస్తే ఖుషీ అవుతారంటూ ఒకరు ట్వీట్ చేశారు. అన్నయ్య కన్నడలోనూ విష్ చేయండంటూ కొందరు టెక్స్ట్ కూడా పంపారు.
వాస్తవానికి ట్విటర్‌లో ఉన్న పదాల పరిమితి వల్లే మహేశ్ బాబు కన్నడలో విష్ చేయలేదు. కాసేపటి తర్వాత ఈ విషయం గమనించిన ఆయన.. కన్నడలో ప్రత్యేకంగా దసరా శుభాకాంక్షలు తెలిపారు. మహేశ్ ట్వీట్‌తో కూల్ అయిన కన్నడిగులు.. ఆయనకు కూడా దసరా విషెస్ తెలిపారు.