ధనుష్‌కి హీరోయిన్ స్ట్రాంగ్ వార్నింగ్!

'మాట అదుపులో పెట్టుకోండి..' అంటూ ఓ హీరోయిన్ ధనుష్‌కి వార్నింగ్ ఇచ్చిందట. తమిళ స్టార్ హీరోగా వెలుగొందుతోన్న ధనుష్‌ను ఇప్పుడిప్పుడే ఇండస్ట్రీలో అవకాశాలు దక్కించుకుంటోన్న ఓ హీరోయిన్ ఇలా అనడంతో చర్చనీయాంశమైంది. ప్రస్తుతం కోలివుడ్‌లో ఈ వార్త తెగ చక్కర్లు కొడుతోంది. ఇంతకీ ఆ హీరోయిన్ ఎవరు అనుకుంటున్నారా..? ప్రేమమ్ సినిమాలో నటించిన మడోనా సెబాస్టియన్.

అసలు విషయంలోకి వస్తే ధనుష్ మొదటిసారిగా దర్శకత్వం వహించిన 'పవర్ పాండి' అనే చిత్రంలో మడోనా గెస్ట్ రోల్‌లో నటించింది. దీనికి ఆమె అడిగినంత పారితోషికం ముట్టజెప్పాడు ధనుష్. త్వరలోనే ఈ సినిమా విడుదల కాబోతుంది. దీంతో ప్రమోషన్ కార్యక్రమాలు ముమ్మరం చేశారు. ప్రమోషన్స్‌లో పాల్గొనవలసిందిగా ధనుష్ అండ్ టీం మడోనాను కోరిందట.

అయితే అమ్మడు మాత్రం ప్రచారానికి రాకుండా హ్యాండ్ ఇచ్చింది. దీంతో ధనుష్ టీం మెంబర్స్ ఆమెకు ఓ మెసేజ్ పెట్టారట. దానికి రియాక్ట్ అయిన ఈ బ్యూటీ.. 'మాట అదుపులో పెట్టుకోండి..ఎవరైనా సరే' అంటూ స్ట్రాంగ్ రిప్లే ఇచ్చినట్లు తెలుస్తోంది. ప్రమోషన్స్‌కు రాలేదు సరికదా ప్రశ్నించినందుకు ఇలాంటి వార్నింగ్ లు ఇస్తుందా? అంటూ ఆమెపై నిర్మాతలమండలిలో కంప్లైంట్ చేశారు.