Writer Paruchuri Murali Praises Nandamuri Balakrishna At Ruler Sucess Meet
అవకాశం ఉన్నా పక్కనోడి జీవితాన్ని నాశనం చేయడు బాలయ్య: పరుచూరి మురళి
నటసింహా నందమూరి బాలకృష్ణగా హీరోగా వచ్చిన మాస్ ఎంటర్టైనర్ ‘రూలర్’. కె.యస్.రవికుమార్ దర్శకత్వం వహించిన ఈ చిత్రం భారీ అంచనాల నడుమ ఈనెల 20న విడుదలైంది. ప్రస్తుతం థియేటర్లలో విజయవంతంగా ప్రదర్శితమవుతోంది. సినిమాను విజయవంతం చేసిన ప్రేక్షకులకు కృతజ్ఞతలు తెలిపేందుకు చిత్ర యూనిట్ ఆదివారం హైదరాబాద్లో సక్సెస్ మీట్ను నిర్వహించింది. ఈ కార్యక్రమంలో హీరో బాలకృష్ణ, హీరోయిన్ వేదిక, రచయిత పరుచూరి మురళి, నిర్మాత సి.కళ్యాణ్ సహా ఇతర నటీనటులు, సాంకేతిక వర్గం పాల్గొన్నారు.
Samayam Telugu22 Dec 2019, 7:47 pm
నటసింహా నందమూరి బాలకృష్ణగా హీరోగా వచ్చిన మాస్ ఎంటర్టైనర్ ‘రూలర్’. కె.యస్.రవికుమార్ దర్శకత్వం వహించిన ఈ చిత్రం భారీ అంచనాల నడుమ ఈనెల 20న విడుదలైంది. ప్రస్తుతం థియేటర్లలో విజయవంతంగా ప్రదర్శితమవుతోంది. సినిమాను విజయవంతం చేసిన ప్రేక్షకులకు కృతజ్ఞతలు తెలిపేందుకు చిత్ర యూనిట్ ఆదివారం హైదరాబాద్లో సక్సెస్ మీట్ను నిర్వహించింది. ఈ కార్యక్రమంలో హీరో బాలకృష్ణ, హీరోయిన్ వేదిక, రచయిత పరుచూరి మురళి, నిర్మాత సి.కళ్యాణ్ సహా ఇతర నటీనటులు, సాంకేతిక వర్గం పాల్గొన్నారు.
అదీ బాలయ్య బాబంటే: పరుచూరి మురళి
కార్యక్రమంలో భాగంగా చిత్ర రచయిత పరుచూరి మురళి మాట్లాడుతూ.. ‘‘ఎవరేమనుకున్నా ఈ సినిమాలో కొన్ని అంశాల్లో బాలయ్య బాబు అద్భుతంగా చేశారు. బాలకృష్ణ గారి గురించి ఒక మాట చెబుతాను.. ఎప్పటి నుంచో చెప్పాలనుకుంటున్నాను. ఆయన ఎంత గొప్పవారంటే.. ఆయనకి ఎవరైనా నచ్చకపోతే దూరంగా జరుగుతారే తప్ప వెంటాడి జీవితాన్ని నాశనం చేయరు. ఇది నేను చూశాను. గత 25 ఏళ్లుగా చూస్తూ వచ్చాను. ఎప్పుడైనా అంతే.. తాను దూరంగా జరుగుతారు తప్ప పక్కనోడి జీవితాన్ని నాశనం చేయరు. ఆయనకి అవకాశం ఉండి కూడా చేయరు.. అంత గొప్పవారు బాలయ్య బాబు’’ అని ప్రశంసలు కురిపించారు.
మా ప్రయత్నానికి విజయాన్ని అందించారు: బాలకృష్ణ
నందమూరి బాలకృష్ణ మాట్లాడుతూ.. ‘‘రూలర్ సినిమాకు విజయాన్ని అందించిన ప్రేక్షకులకు థ్యాంక్స్. ఓ మంచి ప్రయత్నం చేశాం. మా ప్రయత్నానికి విజయాన్ని అందించారు ప్రేక్షకులు. కళ్యాణ్గారు ఖర్చుకు ఎక్కడా వెనకాడలేదు. కల్యాణ్గారితో నేను చేసిన మూడో సినిమా ఇది. మంచి కథా విలువలున్న సినిమా చేయాలని భావించే నిర్మాత ఆయన. ఆయనకు నా తరపున, అభిమానుల తరపున కృతజ్ఞతలు. వి.ఎస్.ఆర్.స్వామిగారి వద్ద శిష్యరికం చేసిన రాంప్రసాద్గారు ఈ సినిమాకు మంచి విజువల్స్ను అందించారు. ఆయనకు కృతజ్ఞతలు’’ అని అన్నారు.
మంచి మెసేజ్ను కథలో చొప్పించారు..
ఇంకా బాలకృష్ణ మాట్లాడుతూ.. ‘‘హీరోయిన్స్ సోనాల్, వేదిక చక్కగా నటించారు. జయసుధగారు, ప్రకాష్రాజ్, సప్తగిరి, ధన్రాజ్, రఘు అందరూ చక్కగా నటించారు. పరుచూరి మురళిగారు మంచి కథను, డైలాగ్స్ను అందించారు. మంచి మెసేజ్ను కూడా ఈ కథలో చొప్పించారు. ఆయనకు థ్యాంక్స్. డైరెక్టర్ కె.యస్.రవికుమార్గారు ఆర్టిస్టుల దగ్గర నుండి ఎలాంటి నటన కావాలో రాబట్టుకునే దర్శకుడు. అలాగే నిర్మాతల దర్శకుడు కూడా ఆయన. చిరంతన్ భట్తో నేను చేసిన మూడో సినిమా. అద్భుతమైన సంగీతాన్ని అందించారు. ఈ సినిమాలో భాగమైన ప్రతి ఒక్కరికీ కృతజ్ఞతలు’’ అని ముగించారు.
నెక్ట్స్ సినిమా దీనికంటే సూపర్గా ఇస్తా: సి. కళ్యాణ్
నిర్మాత సి.కళ్యాణ్ మాట్లాడుతూ.. ‘‘జైసింహా తర్వాత మరోసారి మా కాంబినేషన్లో వచ్చిన రూలర్ సినిమాను హిట్ చేసిన ప్రేక్షకులకు థ్యాంక్స్. రాంప్రసాద్గారు సినిమాను అద్భుతంగా విజువలైజ్ చేసి చూపించారు. డిస్ట్రిబ్యూటర్స్ కూడా ఎంతగానో హెల్ప్ చేశారు. ఐదు నెలలు పాటు టీం అందరం ఎంతగానో హార్డ్ వర్క్ చేశాం. మళ్లీ నెక్ట్స్ సినిమాను కూడా దీని కంటే మంచి సినమా ఇస్తానని తెలియజేస్తున్నాను’’ అని అన్నారు.
See Photo Story: యాలా యాలా ఇయ్యాలా.. డియ్య డియ్యాలా!
ఆయనెంతో మంచివారు: వేదిక
హీరోయిన్ వేదిక మాట్లాడుతూ.. ‘‘సినిమాను ప్రేక్షకులు బాగా రిసీవ్ చేసుకుంటున్నందుకు చాలా హ్యాపీగా ఉన్నాను. బాలకృష్ణ లాంటి హీరోతో వర్క్ చేయడం సంతోషంగా ఉంది. హీరోగానే కాదు.. వ్యక్తిగా కూడా ఆయనెంతో మంచివారు. కళ్యాణ్గారు అందరినీ ఎంతో కేర్గా చూసుకున్నారు. ఈ సినిమాలో పనిచేసే అవకాశం ఇచ్చినందుకు దర్శక నిర్మాతలకు, బాలకృష్ణ గారికి థ్యాంక్స్’’ అని అన్నారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.