వెంకీ మామనే ఆ కథని సూచించారు: చైతూ

ఇటీవలే రారండోయ్ వేడుక చూద్దాం మూవీతో సక్సెస్ కొట్టిన జోష్‌లో వున్న నాగచైతన్య ప్రస్తుతం యుద్ధం శరణం సినిమాతో మరోసారి ఆడియెన్స్ ముందుకొచ్చేందుకు రెడీ అవుతున్నాడు. ఈమధ్యే రిలీజైన ఈ సినిమా ఫస్ట్ లుక్‌కి ఆడియెన్స్ నుంచి మంచి రెస్పాన్స్ కనిపించింది. కృష్ణ మరిముత్తు డైరెక్ట్ చేస్తున్న ఈ సినిమా గురించి మాట్లాడుతూ... వెంకీ మామనే తనకి ఈ స్క్రిప్ట్‌ని సూచించినట్టు తెలిపాడు చైతూ. సాధారణంగా చైతూ నటించే సినిమాల స్క్రిప్టులకి నాగ్ సహకారం అందిస్తుంటాడట. కానీ ఈసారి యుద్ధం శరణం స్క్రిప్ట్ మాత్రం వెంకీనే స్వయంగా చైతూకి సజెస్ట్ చేశాడట.

వారాహీ చలన చిత్రం బ్యానర్ నిర్మిస్తున్న ఈ సినిమాలో చైతూ సరసన లావణ్యా త్రిపాఠీ జంటగా నటిస్తోంది. శ్రీకాంత్, రావు రమేష్, రేవతి వంటి నటీనటులు ఇతర ముఖ్య పాత్రలు పోషిస్తున్నారు. కాలేజీ డ్రాపౌట్ అయిన ఓ యువకుడు డ్రోన్స్ తయారు చేసేస్థాయికి చేరడం ఈ చిత్ర కథాంశంలో ఓ భాగమని తెలుస్తోంది.

ఇప్పటికే రారండోయ్ వేడుక చూద్దాం మూవీతో ఈ ఏడాది ఓ హిట్ సినిమాను తన ఖాతాలో వేసుకున్న చైతూ యుద్ధం శరణం మూవీతో మరో హిట్‌ని అందుకోవాలని ప్రయత్నిస్తున్నాడు. వెంకీ అతడికి అందించిన సలహా ఏమేరకు ఉపయోగపడనుందో వేచిచూడాల్సిందే మరి!