ఆ కమెడియన్ భార్య అనసూయ.. అసలు రహస్యం బయటపడిందిలా..!

బుల్లితెరపై యాంకర్‌గా సూపర్ సక్సెస్ సాధించిన అనసూయ వెండితెరపై కూడా తన హవా కొనసాగిస్తోంది. ఇప్పటికే పలు సినిమాల్లో వైవిధ్యభరితమైన పాత్రలు చేస్తూ.. ప్రేక్షకులను ఆకట్టుకుంది. ముఖ్యంగా సుకుమార్, రామ్ చరణ్ కాంబినేషన్‌లో తెరకెక్కిన ‘రంగస్థలం’ సినిమాలో రంగమత్త పాత్రలో ఆమె అద్భుతంగా నటించి విమర్శకుల నుంచి ప్రశంసలు అందుకుంది. మరోవైపు ‘క్షణం’, ‘కథనం’ వంటి సినిమాల్లో ఫుల్‌లెంత్ రోల్ చేసిన ఆమె ఇండస్ట్రీలో తనకంటూ ఓ గుర్తింపు తెచ్చుకుంది.

ఇక సుకుమార్, అల్లు అర్జున్ కాంబినేషన్‌లో తెరకెక్కుతున్న హ్యాట్రిక్ చిత్రం ‘పుష్ప’. రష్మిక మందన్న ఇందులో హీరోయిన్‌గా చేస్తోంది. ఇప్పటివరకూ స్టైలిష్‌గా ఉన్న అల్లు అర్జున్‌ని ఈ సినిమాతో ఐకాన్ స్టార్‌గా పరిచయం చేస్తున్నాడు దర్శకుడు సుకుమార్. ఫారెస్ట్ అడ్వెంచర్ జోనర్‌లో తెరకెక్కిన ఈ సినిమాలో ప్రతీ పాత్రను జాగ్రత్తగా రాసుకున్నాడట దర్శకుడు. అయితే ఈ సినిమా షూటింగ్ ఆరంభం అయిన కొన్ని రోజులకే అనసూయ ఓ ముఖ్య పాత్రలో నటిస్తున్నట్లు వార్తలు పుట్టుకొచ్చాయి.

అయితే అప్పట్లో ఆ వార్తలను కొట్టిపారేసిన ఈ బ్యూటీ.. కొంతకాలానికి నిజాన్ని అంగీకరించింది. ఈ సినిమాలో అనసూయ కూడా ఓ కీలక పాత్రలో నటిస్తోంది. అన్నిటికన్న ఇంట్రెస్టింగ్ అంశం ఏంటంటే.. ఈ సినిమాలో అనసూయది నెగెటివ్ రోల్ అని తెలుస్తోంది. రంగస్థలంలో అనసూయని రంగమత్త పాత్రలో చూపించిన సుకుమార్ ఈ సినిమాలో ఆమెని ఇంకా డెఫరెంట్‌గా ప్రజెంట్ చేయనున్నారట.

ఇక ఈ సినిమాలో అనసూయ రోల్‌కి సంబంధించి మరో ఆసక్తికర విషయం బయటపడింది. ఈ సినిమాలో ఆమె కమెడియన్ సునీల్‌కి భార్యగా నటిస్తుందని ఫిలిమ్ నగర్‌లో టాక్ వినిపిస్తోంది. రాయలసీమకు చెందిన ఓ ప్రముఖ దంపతులుగా వీళ్లు కనిపించనున్నారట. సినిమాను మలుపు తిప్పే ఓ ముఖ్యమైన రోల్‌లో వీరిద్దరు కనిపించనున్నట్లు తెలుస్తోంది. ఇక ఇప్పటికే రిలీజ్‌ అయిన పుష్ప టీజర్ ప్రేక్షకులను విశేషంగా ఆకట్టుకుంది. ముందు అనుకున్న ప్రకారం.. ఈ సినిమా ఈ ఆగస్టు 13న విడుదల కావాలి.. కానీ, ప్రస్తుతం ఉన్న నేపథ్యంలో అనుకున్న సమయానికి సినిమా విడుదల అయ్యే అవకాశం లేదు.