ఇళయరాజాకు రాజ్యసభ సీటు! ఎంత వరకు నిజం?

మ్యూజిక్ మెస్ట్రో ఇళయరాజాకు రాజ్యసభ సీటు దక్కనుందనే ప్రచారం ఊపందుకుంది. సంగీత రంగం నుంచి ఆయనను నామినేట్ చేయడానికి రంగం సిద్ధం చేసినట్లు తెలుస్తోంది. సుబ్రహ్మణ్యస్వామి పదవీకాలం ముగియనున్న నేపథ్యంలో మోదీ ప్రభుత్వం ఈ నిర్ణయం తీసుకుందనే టాక్ బయటకొచ్చింది. త్వరలోనే ఇళయరాజా నియామకాన్ని రాష్ట్రపతి ప్రకటించనున్నారంటూ ప్రచారాలు ఊపందుకున్నాయి.

సంగీత, సాహిత్య, వైజ్ఞానికత, ఆర్ధిక రంగాలకు చెందిన ప్రముఖులను రాష్ట్రపతి రాజ్యసభకు నామినేట్‌ చేసే విషయం తెలిసిందే. వివిధ రంగాలకు చెందిన 12 మందిని రాజ్యసభ సభ్యులుగా నియమిస్తారు. గతంలో ఇదే కోటాలో సుబ్రమణ్యస్వామిని ఎగువ సభకు పంపింది మోడీ ప్రభుత్వం. అయితే ఆయన పదవీ కాలం త్వరలో ముగియనున్న నేపథ్యంలో ఇప్పుడు ఇళయరాజాను రాజ్యసభ సభ్యుడిగా నియమించబోతున్నారనే ప్రచారం నడుస్తోంది.
ఇదేంటిది నాగ చైతన్య రెండో పెళ్లికి సిద్దమయ్యారా? సినీ వర్గాల్లో ఆసక్తికర చర్చ
భారత ప్రధాని నరేంద్ర మోదీని రాజ్యాంగ పితామహుడు బాబాసాహెబ్ అంబేద్కర్‌తో పోల్చారు ఇళయరాజా. అంబేద్కర్ ఆశయాలను మోదీ నెరవేస్తున్నారని పేర్కొంటూ.. ‘అంబేద్కర్ అండ్ మోదీ - రిఫార్మర్స్ ఐడియాస్ అండ్ పర్ఫార్మర్స్ ఇంప్లిమెంటేషన్’ అనే పుస్తకానికి రాసిన ముందుమాటలో ప్రధాని మోదీపై ప్రశంసలు గుప్పించారు ఇళయరాజా. ఈ వ్యాఖ్యలపై తీవ్ర దుమారం రేగినప్పటికీ ఆయనను రాజ్యసభకు పంపేందుకు కేంద్రం సిద్ధమైందని సమాచారం. అయితే దీనిపై ఇటు కేంద్రం నుంచి గానీ, రాష్ట్రపతి కార్యాలయం నుంచి గానీ ఇప్పటిదాకా ఎలాంటి అధికారిక ప్రకటన వెలువడలేదు.