Ram Charan: రామ్ చరణ్ బెస్ట్ పెయిర్ ఆమెనే! చిరంజీవి ఓటు కూడా అటే..

మెగా హీరోలుగా సత్తా చాటుతూ వరుస హిట్స్ ఖాతాలో వేసుకుంటున్నారు తండ్రీకొడుకులు చిరంజీవి, రామ్ చరణ్. అయితే ఇన్నాళ్లు ఇండిపెండెంట్‌గా హిట్స్ పట్టేసిన ఈ మొనగాళ్లు ఇప్పుడు ఒకే సినిమాతో రంగంలోకి దిగుతున్నారు. అదేనండీ.. కొరటాల శివ దర్శకత్వంలో రూపొందుతున్న లేటెస్ట్ మూవీ 'ఆచార్య'లో చిరంజీవితో పాటు రామ్ చరణ్ కూడా సందడి చేయనున్న సంగతి తెలిసిందే కదా. అయితే ఈ సినిమాలో చెర్రీ జోడీగా ఏ హీరోయిన్ అయితే బాగుంటుంది అనే కోణంలో వేట ప్రారంభించిన చిత్రయూనిట్ బాలీవుడ్ బ్యూటీ కియారా అద్వానీకి ఓటేసిందని తెలుస్తోంది.

Also Read: ఎవరికో భార్యగా ఉంటేనే అది గుర్తింపా? చాలా మంది దృష్టిలో నేను..! రేణూ దేశాయ్ సంచలన కామెంట్స్

ఇప్పటికే ఆచార్య మూవీలో చిరంజీవి జోడీగా సీనియర్ హీరోయిన్ కాజల్ అగర్వాల్‌ని కన్ఫర్మ్ చేశారు. ఇక రామ్ చరణ్ జోడీ కోసం గత కొంతకాలంగా పలువురు హీరోయిన్ల పేర్లు పరిశీలించిన కొరటాల చివరగా కియారా అద్వానీని ఫిక్స్ చేయాలనే అభిప్రాయానికి వచ్చారట. ఈ విషయాన్ని చిరంజీవితో కూడా చర్చించగా ఆయన కూడా రామ్ చరణ్ బెస్ట్ పెయిర్ కియారనే అని చెప్పినట్లు ఫిలింనగర్ టాక్. గతంలో 'వినయ విధేయ రామ' సినిమాలో రామ్ చరణ్- కియారా జోడీ చూడముచ్చటగా ఉందని, 'ఆచార్య'లో కూడా ఆమెనే తీసుకోవాలని చిరంజీవి రికమండ్ చేశారట.

చిరంజీవి 152వ సినిమాగా కొరటాల శివ దర్శకత్వంలో 'ఆచార్య' మూవీ రూపొందుతోంది. దాదాపు 30 శాతం షూటింగ్ ఫినిష్ చేసుకున్న ఈ సినిమా కరోనా కారణంగా ఆగిపోయింది. చిత్రంలో చిరంజీవికి శిష్యుడి పాత్రలో రామ్ చరణ్ కనిపించనుండటం విశేషం. సో.. చూడాలి మరి చిరంజీవి కోరికను కియారా అద్వానీ తీరుస్తుందా.. లేదా? అనేది.