Lakshmi Pranathi: ఎన్టీఆర్ సతీమణి న్యూ స్టెప్.. ఆయన ప్రోత్సాహంతో మీడియా రంగంలోకి!

యంగ్ టైగర్ ఎన్టీఆర్ సతీమణి కొత్త బాధ్యతలు చేపట్టనుందని తెలుస్తోంది. 2011లో ఎన్టీఆర్‌ని పెళ్లాడిన ఈమె ఇద్దరు పిల్లలకు జన్మనిచ్చి ఇన్నాళ్లు హౌస్‌వైఫ్ గానే కొనసాగింది. అయితే ఇప్పుడు మీడియా రంగంలోకి అడుగుపెట్టాలనే దిశగా ప్లాన్ చేస్తోందట లక్ష్మిప్రణతి. ఈ మేరకు త్వరలోనే ఓ ఎంట‌ర్‌‌టైన్‌‌మెంట్ ఛానెల్‌కు మేనేజింగ్ డైరెక్ట‌ర్‌గా బాధ్య‌త‌లు చేపట్టబోతోందని విశ్వసనీయ వర్గాల సమాచారం.

'యువ' అనే పేరుతో ఈ ఎంట‌ర్‌టైన్‌మెంట్ ఛానెల్ ప్రారంభం కానుందని తెలుస్తోంది. ప్రస్తుతం ఛానెల్‌‌కు సంబంధించిన ప‌నులు శ‌ర‌వేగంగా జ‌రుగుతున్నాయ‌ని టాక్. గతంలో లక్ష్మి ప్రణతి తండ్రికి ఓ మీడియా ఛానల్ నడిపించిన అనుభవం ఉన్నందున, దాని మీద ఐడియా ఉండటంతో ఈ ఎంట‌ర్‌టైన్‌మెంట్ ఛానెల్‌కి మేనేజింగ్ డైరెక్ట‌ర్‌గా బాధ్య‌త‌లు స్వీకరించేందుకు ఆమె రెడీ అయిందట. కాగా లక్ష్మి ప్రణతి తీసుకున్న ఈ నిర్ణయం వెనుక ఎన్టీఆర్ ప్రోత్సాహం కూడా ఉందని తెలుస్తోంది. దీనిపై కొద్దిరోజుల్లోనే స్పష్టత రానుందని తెలుస్తోంది.

Also Read: Ram Gopal Varma: ‘నగ్నం’ ట్రైలర్ 2.. బాబోయ్! అడల్ట్ కిక్ మామూలుగా లేదు

మరోవైపు సినిమాల పరంగా ఎన్టీఆర్ ఫుల్ జోష్‌లో ఉన్నారు. ప్రస్తుతం ఆయన తన RRR సినిమాతో బిజీగా ఉన్నారు. రాజమౌళి దర్శకత్వంలో తెరకెక్కుతున్న ఈ సినిమాలో రామ్ చరణ్ మరో హీరోగా నటిస్తున్నారు. ఈ మూవీ చేస్తూనే ఇటీవలే మాటల మాంత్రికుడు త్రివిక్రమ్ శ్రీనివాస్ దర్శకత్వంలో మరో సినిమా చేసేందుకు కమిట్ అయ్యారు ఎన్టీఆర్. అతిత్వరలో ఈ మూవీ షూటింగ్ కూడా ప్రారంభం కానుంది.